मुश्किल को उस ने सब की आसान कर दिया है
मौजूदगी का अपनी ए'लान कर दिया है
बैठे हुए हैं पत्थर शीशों का जिस्म पहने
महफ़िल ने तेरी सब को हैरान कर दिया है
इतनी जगह कहाँ थी रख पाएँ सारी दुनिया
कुछ इस लिए भी दिल को वीरान कर दिया है
हैरान हैं हवाएँ मौसम भी है परेशाँ
झोंके को उस ने कैसे तूफ़ान कर दिया है
मैं चाह के भी उस को शायद न भूल पाता
ऐ वक़्त तू ने मुझ पर एहसान कर दिया है
mushkil ko us ne sab kī āsān kar diyā hai
maujūdgī kā apnī e'lān kar diyā hai
baiThe hue haiñ patthar shīshoñ kā jism pahne
mahfil ne terī sab ko hairān kar diyā hai
itnī jagah kahāñ thī rakh paa.eñ saarī duniyā
kuchh is liye bhī dil ko vīrān kar diyā hai
hairān haiñ havā.eñ mausam bhī hai pareshāñ
jhoñke ko us ne kaise tūfān kar diyā hai
maiñ chaah ke bhī us ko shāyad na bhuul paatā
ai vaqt tū ne mujh par ehsān kar diyā hai
مشکل کو اس نے سب کی آسان کر دیا ہے
موجودگی کا اپنی اعلان کر دیا ہے
بیٹھے ہوئے ہیں پتھر شیشوں کا جسم پہنے
محفل نے تیری سب کو حیران کر دیا ہے
اتنی جگہ کہاں تھی رکھ پائیں ساری دنیا
کچھ اس لیے بھی دل کو ویران کر دیا ہے
حیران ہیں ہوائیں موسم بھی ہے پریشاں
جھونکے کو اس نے کیسے طوفان کر دیا ہے
میں چاہ کے بھی اس کو شاید نہ بھول پاتا
اے وقت تو نے مجھ پر احسان کر دیا ہے