मुसलसल अश्क-बारी कर रहा था
मैं अपनी आबियारी कर रहा था
मुझे वो ख़्वाब फिर से देखना था
मैं ख़ुद पे नींद तारी कर रहा था
कई दिन तक था मेरी दस्तरस में
मैं अब दरिया को जारी कर रहा था
मुझे रुक रुक के पंछी देखते थे
मैं पत्थर पर सवारी कर रहा था
गुज़रना था बहुत मुश्किल उधर से
दरीचा चाँद-मारी कर रहा था
कोई एटम था मेरे जिस्म-ओ-जाँ में
मैं जिस की ताब-कारी कर रहा था
सफ़ीने सब के सब ग़र्क़ाब कर के
समुंदर आह-ओ-ज़ारी कर रहा था
मुझे फ़ितरत भी घिसती जा रही थी
मैं ख़ुद भी रेग-मारी कर रहा था
मेरी ड्यूटी थी ख़ेमों की हिफ़ाज़त
मगर मैं आब-दारी कर रहा था
सितारे टिमटिमाना रुक गए थे
मैं फिर अख़्तर-शुमारी कर रहा था
मुझे भिड़ना था किस वहशी से लेकिन
मैं किस पागल से यारी कर रहा था
बहुत से काम करने थे 'लियाक़त'
जिन्हें मैं बारी बारी कर रहा था
musalsal ashk-bārī kar rahā thā
maiñ apnī ābiyārī kar rahā thā
mujhe vo ḳhvāb phir se dekhnā thā
maiñ ḳhud pe niiñd taarī kar rahā thā
ka.ī din tak thā merī dastaras meñ
maiñ ab dariyā ko jaarī kar rahā thā
mujhe ruk ruk ke panchhī dekhte the
maiñ patthar par savārī kar rahā thā
guzarnā thā bahut mushkil udhar se
darīcha chāñd-mārī kar rahā thā
koī atom thā mere jism-o-jāñ meñ
maiñ jis kī tāb-kārī kar rahā thā
safīne sab ke sab ġharqāb kar ke
samundar āh-o-zārī kar rahā thā
mujhe fitrat bhī ghistī jā rahī thī
maiñ ḳhud bhī reg-mārī kar rahā thā
merī duty thī ḳhemoñ kī hifāzat
magar maiñ āb-dārī kar rahā thā
sitāre TimTimānā ruk ga.e the
maiñ phir aḳhtar-shumārī kar rahā thā
mujhe bhiḌnā thā kis vahshī se lekin
maiñ kis pāgal se yaarī kar rahā thā
bahut se kaam karne the 'liyāqat'
jinheñ maiñ baarī baarī kar rahā thā
مسلسل اشک باری کر رہا تھا
میں اپنی آبیاری کر رہا تھا
مجھے وہ خواب پھر سے دیکھنا تھا
میں خود پہ نیند طاری کر رہا تھا
کئی دن تک تھا میری دسترس میں
میں اب دریا کو جاری کر رہا تھا
مجھے رک رک کے پنچھی دیکھتے تھے
میں پتھر پر سواری کر رہا تھا
گزرنا تھا بہت مشکل ادھر سے
دریچہ چاند ماری کر رہا تھا
کوئی ایٹم تھا میرے جسم و جاں میں
میں جس کی تاب کاری کر رہا تھا
سفینے سب کے سب غرقاب کر کے
سمندر آہ و زاری کر رہا تھا
مجھے فطرت بھی گھستی جا رہی تھی
میں خود بھی ریگ ماری کر رہا تھا
میری ڈیوٹی تھی خیموں کی حفاظت
مگر میں آب داری کر رہا تھا
ستارے ٹمٹمانا رک گئے تھے
میں پھر اختر شماری کر رہا تھا
مجھے بھڑنا تھا کس وحشی سے لیکن
میں کس پاگل سے یاری کر رہا تھا
بہت سے کام کرنے تھے لیاقتؔ
جنہیں میں باری باری کر رہا تھا