मुंतज़िर था वो तो जुस्त-ओ-जू में ये आवारा था
शेफ़्ता तेरा ही था जो साबित-ओ-सय्यारा था
है जो हसरत तो सरापा चश्म होने की हमें
हासिल इस आईना-ख़ाना में फ़क़त नज़्ज़ारा था
जब शब-ए-मह में चकोर उड़ता है मर जाते हैं हम
पुतलियों का अपनी भी तारा कोई रूख़्सारा था
खोल कर दिल जब मैं रोता था फ़िराक़-ए-यार में
चश्म-ए-तर मम्बा थी हर मूए-ए-मिज़ा फ़व्वारा था
सैल-ए-गिर्या ने ये किस के दी समुंदर को शिकस्त
जो हबाब आया नज़र इक वाज़गूँ नक़्क़ारा था
एक शब तो वस्ल-ए-जानाँ की तवाज़ो ऐ फ़लक
चार दिन मेहमान तेरे घर में मैं बे-चारा था
रोज़-ओ-शब के हाल का लिखता था परचा रोज़-ओ-शब
कातिब-ए-आमाल मेरी डेवढ़ी का हरकारा था
पीटना सर अपने मातम में अज़ीज़ो यार का
क़िलआ-ए-कुंज-ए-लहद की फ़त्ह का नक़्क़ारा था
अहद-ए-तिफ़्ली से जुनून-ए-इश्क़ कामिल है शफ़ीक़
शाख़-ए-नख़्ल-ए-बेद-ए-मजनूँ से मिरा गहवारा था
जान-ए-शीरीं मुज़्द जू-ए-शीर में तेशा को दी
हौसला से अपने बाहर कोहकन बे-चारा था
हालत-ए-दिल को बयाँ करता किसी से मैं तो क्या
इश्क़ में इक मुसहफ़-ए-रुख़्सार के सीपारा था
ये हुआ ज़ाहिर अना लैला-ए-मजनूँ से हमें
अपना दीवाना था अपने वास्ते आवारा था
हाल अपना ऐ सनम अपनी जुदाई में न पूछ
सीना ओ सर था हमारा और संग-ए-ख़ारा था
कूचा-ए-क़ातिल में जब शौक़-ए-शहादत ले गया
सर न था गर्दन पर अपने बार-ए-सद-पुश्तारा था
लोटता था इस में बद-ख़़ूई से मैं मानिंद-ए-अश्क
शोख़ी-ए-तिफ़्लान से जुम्बाँ मिरा गहवारा था
शान-ए-इश्क़ औला है मजनूँ दूदमान-ए-इश्क़ से
ना-ख़लफ़ ना-क़ाबिल ओ नालायक़ ओ नाकारा था
अहल-ए-आलम से हमेशा 'आतिश' ईज़ाएँ हुईं
मर्दुम-ए-दुनिया नमक थे मैं दिल-ए-सद-पारा था
muntazir thā vo to just-o-jū meñ ye āvāra thā
shefta terā hī thā jo sābit-o-sayyāra thā
hai jo hasrat to sarāpā chashm hone kī hameñ
hāsil is ā.īna-ḳhāna meñ faqat nazzāra thā
jab shab-e-mah meñ chakor uḌtā hai mar jaate haiñ ham
putliyoñ kā apnī bhī taara koī ruḳhsāra thā
khol kar dil jab maiñ rotā thā firāq-e-yār meñ
chashm-e-tar mamba.a thī har mū-e-mizha favvāra thā
sail-e-girya ne ye kis ke dī samundar ko shikast
jo habāb aayā nazar ik vāzhgūñ naqqārā thā
ek shab to vasl-e-jānāñ kī tavāzo ai falak
chaar din mehmān tere ghar meñ maiñ be-chāra thā
roz-o-shab ke haal kā likhtā thā parcha roz-o-shab
kātib-e-āmāl merī DevḌhī kā harkāra thā
pīTnā sar apne mātam meñ azīzo yaar kā
qil.a-e-kunj-e-lahad kī fat.h kā naqqārā thā
ahd-e-tiflī se junūn-e-ishq kāmil hai shafīq
shāḳh-e-naḳhl-e-bed-e-majnūñ se mirā gahvāra thā
jān-e-shīrīñ muzd jū-e-shīr meñ tesha ko dī
hausla se apne bāhar kohkan be-chārā thā
hālat-e-dil ko bayāñ kartā kisī se maiñ to kyā
ishq meñ ik mus.haf-e-ruḳhsār ke sīpāra thā
ye huā zāhir anā lailā-e-majnūñ se hameñ
apnā dīvāna thā apne vāste āvāra thā
haal apnā ai sanam apnī judā.ī meñ na pūchh
siina o sar thā hamārā aur sañg-e-ḳhārā thā
kūcha-e-qātil meñ jab shauq-e-shahādat le gayā
sar na thā gardan par apne bār-e-sad-pushtāra thā
loTtā thā is meñ bad-ḳhūī se maiñ mānind-e-ashk
shoḳhī-e-tiflān se jumbāñ mirā gahvāra thā
shān-e-ishq aulā hai majnūñ dūdmān-e-ishq se
nā-ḳhalaf nā-qābil o nālā.eq o nākārā thā
ahl-e-ālam se hamesha 'ātish' īzā.eñ huiiñ
mardum-e-duniyā namak the maiñ dil-e-sad-pāra thā
منتظر تھا وہ تو جست و جو میں یہ آوارہ تھا
شیفتہ تیرا ہی تھا جو ثابت و سیارہ تھا
ہے جو حسرت تو سراپا چشم ہونے کی ہمیں
حاصل اس آئینہ خانہ میں فقط نظارہ تھا
جب شب مہ میں چکور اڑتا ہے مر جاتے ہیں ہم
پتلیوں کا اپنی بھی تارہ کوئی رخسارہ تھا
کھول کر دل جب میں روتا تھا فراق یار میں
چشم تر منبع تھی ہر موئے مژہ فوارہ تھا
سیل گریہ نے یہ کس کے دی سمندر کو شکست
جو حباب آیا نظر اک واژگوں نقارا تھا
ایک شب تو وصل جاناں کی تواضع اے فلک
چار دن مہمان تیرے گھر میں میں بے چارہ تھا
روز و شب کے حال کا لکھتا تھا پرچہ روز و شب
کاتب اعمال میری ڈیوڑھی کا ہرکارہ تھا
پیٹنا سر اپنے ماتم میں عزیزو یار کا
قلعۂ کنج لحد کی فتح کا نقارا تھا
عہد طفلی سے جنون عشق کامل ہے شفیق
شاخ نخل بید مجنوں سے مرا گہوارہ تھا
جان شیریں مزد جوئے شیر میں تیشہ کو دی
حوصلہ سے اپنے باہر کوہ کن بے چارا تھا
حالت دل کو بیاں کرتا کسی سے میں تو کیا
عشق میں اک مصحف رخسار کے سیپارہ تھا
یہ ہوا ظاہر انا لیلیٔ مجنوں سے ہمیں
اپنا دیوانہ تھا اپنے واسطے آوارہ تھا
حال اپنا اے صنم اپنی جدائی میں نہ پوچھ
سینہ و سر تھا ہمارا اور سنگ خارا تھا
کوچۂ قاتل میں جب شوق شہادت لے گیا
سر نہ تھا گردن پر اپنے بار صد پشتارہ تھا
لوٹتا تھا اس میں بد خوئی سے میں مانند اشک
شوخیٔ طفلان سے جنباں مرا گہوارہ تھا
شان عشق اولیٰ ہے مجنوں دودمان عشق سے
نا خلف نا قابل و نا لائق و ناکارا تھا
اہل عالم سے ہمیشہ آتشؔ ایذائیں ہوئیں
مردم دنیا نمک تھے میں دل صد پارہ تھا