मुझे ख़दशा है अपनी चश्म-ए-तर से
कहीं पानी गुज़र जाए न सर से
जला दी हैं अभी से मैं ने शमएँ
मुझे है इन्तिज़ार-ए-शब सहर से
सफ़ीने वाक़ई हों गर सफ़ीने
तो कब मरऊब होते हैं भँवर से
हुआ यूँ दरमियाँ हाइल ज़माना
हम ओझल हो गए अपनी नज़र से
उन्हें दाद-ए-सफ़र देती है मंज़िल
जो घबराते नहीं तूल-ए-सफ़र से
तिरे आगे कोई क्या लब-कुशा हो
धड़क उठते हैं दिल तेरी नज़र से
बहुत सहरा को थीं जिन से उमीदें
वो बादल भी 'ज़फ़र' गुलशन पे बरसे
mujhe ḳhadsha hai apnī chashm-e-tar se
kahīñ paanī guzar jaa.e na sar se
jalā dī haiñ abhī se maiñ ne sham.eñ
mujhe hai intizār-e-shab sahar se
safīne vāqa.ī hoñ gar safīne
to kab mar.ūb hote haiñ bhañvar se
huā yuuñ darmiyāñ haa.il zamāna
ham ojhal ho ga.e apnī nazar se
unheñ dād-e-safar detī hai manzil
jo ghabrāte nahīñ tūl-e-safar se
tire aage koī kyā lab-kushā ho
dhaḌak uThte haiñ dil terī nazar se
bahut sahrā ko thiiñ jin se umīdeñ
vo bādal bhī 'zafar' gulshan pe barse
مجھے خدشہ ہے اپنی چشم تر سے
کہیں پانی گزر جائے نہ سر سے
جلا دی ہیں ابھی سے میں نے شمعیں
مجھے ہے انتظار شب سحر سے
سفینے واقعی ہوں گر سفینے
تو کب مرعوب ہوتے ہیں بھنور سے
ہوا یوں درمیاں حائل زمانہ
ہم اوجھل ہو گئے اپنی نظر سے
انہیں داد سفر دیتی ہے منزل
جو گھبراتے نہیں طول سفر سے
ترے آگے کوئی کیا لب کشا ہو
دھڑک اٹھتے ہیں دل تیری نظر سے
بہت صحرا کو تھیں جن سے امیدیں
وہ بادل بھی ظفرؔ گلشن پہ برسے