हज़ार सुब्ह ने किरनों के जाल फैलाए
मगर सिमट न सके रात के घने साए
तवाफ़ करती है मंज़िल उसी मुसाफ़िर का
जो रास्तों के ख़म-ओ-पेच से न घबराए
ये इंतिज़ार की घड़ियाँ बड़ी ग़नीमत हैं
ख़ुदा करे कि यूँही ज़िंदगी गुज़र जाए
शमीम-ए-गुल से किसी पैरहन की ख़ुशबू तक
थे सिलसिले ही कुछ ऐसे कि जो न रास आए
ख़याल आया जहाँ राह में ठहरने का
वहीं झुलसती हुई धूप में ढले साए
जहाँ जहाँ गए लोगों की रहबरी के लिए
हम अपने नक़्श-ए-क़दम रास्तों में छोड़ आए
दम अब उलझने लगा है बहुत ही रिश्तों से
हमें ज़माना ये ज़ंजीर अब न पहनाए
हमें नहीं है तही-दामनी का ग़म हरगिज़
हैं अपने पास बहुत हादसों के सरमाए
'ज़फ़र' ख़िज़ाँ तो बहर-हाल थी ख़िज़ाँ लेकिन
बहार आई तो कुछ और फूल मुरझाए
hazār sub.h ne kirnoñ ke jaal phailā.e
magar simaT na sake raat ke ghane saa.e
tavāf kartī hai manzil usī musāfir kā
jo rāstoñ ke ḳham-o-pech se na ghabrā.e
ye intizār kī ghaḌiyāñ baḌī ġhanīmat haiñ
ḳhudā kare ki yūñhī zindagī guzar jaa.e
shamīm-e-gul se kisī pairahan kī ḳhushbū tak
the silsile hī kuchh aise ki jo na raas aa.e
ḳhayāl aayā jahāñ raah meñ Thaharne kā
vahīñ jhulastī huī dhuup meñ Dhale saa.e
jahāñ jahāñ ga.e logoñ kī rahbarī ke liye
ham apne naqsh-e-qadam rāstoñ meñ chhoḌ aa.e
dam ab ulajhne lagā hai bahut hī rishtoñ se
hameñ zamāna ye zanjīr ab na pahnā.e
hameñ nahīñ hai tahī-dāmanī kā ġham hargiz
haiñ apne paas bahut hādsoñ ke sarmā.e
'zafar' ḳhizāñ to bahar-hāl thī ḳhizāñ lekin
bahār aa.ī to kuchh aur phuul murjhā.e
ہزار صبح نے کرنوں کے جال پھیلائے
مگر سمٹ نہ سکے رات کے گھنے سائے
طواف کرتی ہے منزل اسی مسافر کا
جو راستوں کے خم و پیچ سے نہ گھبرائے
یہ انتظار کی گھڑیاں بڑی غنیمت ہیں
خدا کرے کہ یوں ہی زندگی گزر جائے
شمیم گل سے کسی پیرہن کی خوشبو تک
تھے سلسلے ہی کچھ ایسے کہ جو نہ راس آئے
خیال آیا جہاں راہ میں ٹھہرنے کا
وہیں جھلستی ہوئی دھوپ میں ڈھلے سائے
جہاں جہاں گئے لوگوں کی رہبری کے لئے
ہم اپنے نقش قدم راستوں میں چھوڑ آئے
دم اب الجھنے لگا ہے بہت ہی رشتوں سے
ہمیں زمانہ یہ زنجیر اب نہ پہنائے
ہمیں نہیں ہے تہی دامنی کا غم ہرگز
ہیں اپنے پاس بہت حادثوں کے سرمائے
ظفرؔ خزاں تو بہرحال تھی خزاں لیکن
بہار آئی تو کچھ اور پھول مرجھائے