किसी की पुरशिश-ए-ग़म बार हो गई होगी
तमाम दुख हमा आज़ार हो गई होगी
शदीद मौत की यलग़ार हो गई होगी
हयात रेत की दीवार हो गई होगी
वो एक चीज़ शराफ़त से जो इबारत है
हमारी रात की दीवार हो गई होगी
हदीस-ए-दिल लब-ए-इज़हार के तवस्सुत से
हदीस-ए-कूचा-ओ-बाज़ार हो गई होगी
तबीअ'त अपनी जो आज़ार से नहीं भरती
हरीस-ए-लज़्ज़त-ए-आज़ार हो गई होगी
उठी जो होगी कभी दिल से कोई दर्द की लहर
हरीफ़-ए-दीदा-ए-ख़ूँ-बार हो गई होगी
जो हम पे साया-ए-अदबार है तो सुस्त ज़रूर
हमारे काम की रफ़्तार हो गई होगी
ये ज़िल्लतों की जो भर-मार है तो अपनी ख़ता
उसी सज़ा की सज़ा-वार हो गई होगी
जवाब में मिरी कोताह-दस्तियों के 'ज़फ़र'
बुलंद और वो दीवार हो गई होगी
kisī kī purshish-e-ġham baar ho ga.ī hogī
tamām dukh hama āzār ho ga.ī hogī
shadīd maut kī yalġhār ho ga.ī hogī
hayāt ret kī dīvār ho ga.ī hogī
vo ek chiiz sharāfat se jo ibārat hai
hamārī raat kī dīvār ho ga.ī hogī
hadīs-e-dil lab-e-iz.hār ke tavassut se
hadīs-e-kūcha-o-bāzār ho ga.ī hogī
tabī.at apnī jo āzār se nahīñ bhartī
harīs-e-lazzat-e-āzār ho ga.ī hogī
uThī jo hogī kabhī dil se koī dard kī lahar
harīf-e-dīda-e-ḳhūñ-bār ho ga.ī hogī
jo ham pe sāya-e-adbār hai to sust zarūr
hamāre kaam kī raftār ho ga.ī hogī
ye zillatoñ kī jo bhar-mār hai to apnī ḳhatā
usī sazā kī sazā-vār ho ga.ī hogī
javāb meñ mirī kotāh-dastiyoñ ke 'zafar'
buland aur vo dīvār ho ga.ī hogī
کسی کی پرشش غم بار ہو گئی ہوگی
تمام دکھ ہمہ آزار ہو گئی ہوگی
شدید موت کی یلغار ہو گئی ہوگی
حیات ریت کی دیوار ہو گئی ہوگی
وہ ایک چیز شرافت سے جو عبارت ہے
ہماری رات کی دیوار ہو گئی ہوگی
حدیث دل لب اظہار کے توسط سے
حدیث کوچہ و بازار ہو گئی ہوگی
طبیعت اپنی جو آزار سے نہیں بھرتی
حریص لذت آزار ہو گئی ہوگی
اٹھی جو ہوگی کبھی دل سے کوئی درد کی لہر
حریف دیدۂ خوں بار ہو گئی ہوگی
جو ہم پہ سایۂ ادبار ہے تو سست ضرور
ہمارے کام کی رفتار ہو گئی ہوگی
یہ ذلتوں کی جو بھر مار ہے تو اپنی خطا
اسی سزا کی سزاوار ہو گئی ہوگی
جواب میں مری کوتاہ دستیوں کے ظفرؔ
بلند اور وہ دیوار ہو گئی ہوگی