मुझे ऐ अहल-ए-काबा याद क्या मय-ख़ाना आता है
उधर दीवाना जाता है इधर मस्ताना आता है
मिरी मिज़्गाँ से आँसू पोछता है किस लिए नासेह
टपक पड़ता है ख़ुद जो इस शजर में दाना आता है
ये आमद है कि आफ़त है निगह कुछ है अदा कुछ है
इलाही ख़ैर मुझ से आश्ना बेगाना आता है
दम-ए-तक़रीर नाले हल्क़ में छुरियाँ चुभोते हैं
ज़बाँ तक टुकड़े हो हो कर मिरा अफ़्साना आता है
रुख़-ए-रौशन के आगे शम्अ' रख कर वो ये कहते हैं
उधर जाता है देखें या इधर परवाना आता है
जिगर तक आते आते सौ जगह गिरता हुआ आया
तिरा तीर-ए-नज़र आता है या मस्ताना आता है
वही झगड़ा है फ़ुर्क़त का वही क़िस्सा है उल्फ़त का
तुझे ऐ 'दाग़' कोई और भी अफ़्साना आता है
mujhe ai ahl-e-ka.aba yaad kyā mai-ḳhāna aatā hai
udhar dīvāna jaatā hai idhar mastāna aatā hai
mirī mizhgāñ se aañsū pochhtā hai kis liye nāseh
Tapak paḌtā hai ḳhud jo is shajar meñ daana aatā hai
ye aamad hai ki aafat hai nigah kuchh hai adā kuchh hai
ilāhī ḳhair mujh se āshnā begāna aatā hai
dam-e-taqrīr naale halq meñ chhuriyāñ chubhote haiñ
zabāñ tak TukḌe ho ho kar mirā afsāna aatā hai
ruḳh-e-raushan ke aage sham.a rakh kar vo ye kahte haiñ
udhar jaatā hai dekheñ yā idhar parvāna aatā hai
jigar tak aate aate sau jagah girtā huā aayā
tirā tīr-e-nazar aatā hai yā mastāna aatā hai
vahī jhagḌā hai furqat kā vahī qissa hai ulfat kā
tujhe ai 'dāġh' koī aur bhī afsāna aatā hai
مجھے اے اہل کعبہ یاد کیا مے خانہ آتا ہے
ادھر دیوانہ جاتا ہے ادھر مستانہ آتا ہے
مری مژگاں سے آنسو پوچھتا ہے کس لئے ناصح
ٹپک پڑتا ہے خود جو اس شجر میں دانہ آتا ہے
یہ آمد ہے کہ آفت ہے نگہ کچھ ہے ادا کچھ ہے
الٰہی خیر مجھ سے آشنا بیگانہ آتا ہے
دم تقریر نالہ حلق میں چھریاں چبھوتے ہیں
زباں تک ٹکڑے ہو ہو کر مرا افسانہ آتا ہے
رخ روشن کے آگے شمع رکھ کر وہ یہ کہتے ہیں
ادھر جاتا ہے دیکھیں یا ادھر پروانہ آتا ہے
جگر تک آتے آتے سو جگہ گرتا ہوا آیا
ترا تیر نظر آتا ہے یا مستانہ آتا ہے
وہی جھگڑا ہے فرقت کا وہی قصہ ہے الفت کا
تجھے اے داغؔ کوئی اور بھی افسانہ آتا ہے