मुझे आमाजगाह-ए-नावक-ए-बेदाद रहने दे
जो इस का नाम बर्बादी है तो बर्बाद रहने दे
सरिश्त-ए-इश्क़ लज़्ज़त-आश्ना-ए-तल्ख़-कामी है
मैं नाशाद-ए-तमन्ना हूँ मुझे नाशाद रहने दे
नहीं जब सुब्हा-ओ-ज़ुन्नार के फंदे में गीराई
मुझे दैर-ओ-हरम के दाम से आज़ाद रहने दे
अभी से क्यों बनी जाती है चश्म-ए-नाज़ बेगाना
फ़रेब-ए-आरज़ू कुछ दिन सितम-ईजाद रहने दे
किया है किन उमीदों पर फ़राहम आशियाँ मैं ने
ख़ुदारा मौसम-ए-गुल तक मिरे सय्याद रहने दे
हमें आज़ादी-ए-फ़िक्र-ओ-नज़र का इद्दआ तो है
कोई ग़ारत-गर-ए-ईमाँ अगर आज़ाद रहने दे
दिल-ए-बर्बाद से ये चश्मक-ए-चश्म-ए-तरब क्यों है
करम-ना-आश्ना को ख़ूगर-ए-बेदाद रहने दे
mujhe āmājgāh-e-nāvak-e-bedād rahne de
jo is kā naam barbādī hai to barbād rahne de
sarisht-e-ishq lazzat-āshnā-e-talḳh-kāmī hai
maiñ nāshād-e-tamanna huuñ mujhe nāshād rahne de
nahīñ jab sub.ha-o-zunnār ke phande meñ gīrā.ī
mujhe dair-o-haram ke daam se āzād rahne de
abhī se kyoñ banī jaatī hai chashm-e-nāz begāna
fareb-e-ārzū kuchh din sitam-ījād rahne de
kiyā hai kin umīdoñ par farāham āshiyāñ maiñ ne
ḳhudārā mausam-e-gul tak mire sayyād rahne de
hameñ āzādī-e-fikr-o-nazar kā idda.ā to hai
koī ġhārat-gar-e-īmāñ agar āzād rahne de
dil-e-barbād se ye chashmak-e-chashm-e-tarab kyoñ hai
karam-nā-āshnā ko ḳhūgar-e-bedād rahne de
مجھے آماجگاہ ناوک بیداد رہنے دے
جو اس کا نام بربادی ہے تو برباد رہنے دے
سرشت عشق لذت آشنائے تلخ کامی ہے
میں ناشاد تمنا ہوں مجھے ناشاد رہنے دے
نہیں جب سبحہ و زنار کے پھندے میں گیرائی
مجھے دیر و حرم کے دام سے آزاد رہنے دے
ابھی سے کیوں بنی جاتی ہے چشم ناز بیگانہ
فریب آرزو کچھ دن ستم ایجاد رہنے دے
کیا ہے کن امیدوں پر فراہم آشیاں میں نے
خدارا موسم گل تک مرے صیاد رہنے دے
ہمیں آزادیٔ فکر و نظر کا ادعا تو ہے
کوئی غارت گر ایماں اگر آزاد رہنے دے
دل برباد سے یہ چشمک چشم طرب کیوں ہے
کرم نا آشنا کو خوگر بیداد رہنے دے