मुझे आगही का निशाँ समझ के मिटाओ मत
ये चराग़ जलने लगा है इस को बुझाओ मत
मुझे जागना है तमाम उम्र इसी तरह
मुझे सुब्ह-ओ-शाम के सिलसिले में मिलाओ मत
मुझे इल्म है मिरे ख़ाल-ओ-ख़द में कमी है क्या
मुझे आइने का तिलिस्म कोई दिखाओ मत
मुझे देख लेने दो सुब्ह-ए-फ़र्दा की रौशनी
मिरी आँख से अभी हाथ अपना हटाओ मत
वही पेड़ है वही शाख़ है वही नाम है
जो गिरा है फूल यहाँ से उस को उठाओ मत
मुझे तह में जा के उछालने हैं गुहर कई
मैं हूँ मुतमइन मुझे डूबने से बचाओ मत
तुम्हें बे-मक़ाम रफ़ाक़तों की तलाश है
मिरा शहर शहर-ए-सबात है यहाँ आओ मत
mujhe āgahī kā nishāñ samajh ke miTāo mat
ye charāġh jalne lagā hai is ko bujhāo mat
mujhe jāgnā hai tamām umr isī tarah
mujhe sub.h-o-shām ke silsile meñ milāo mat
mujhe ilm hai mire ḳhāl-o-ḳhad meñ kamī hai kyā
mujhe aa.ine kā tilism koī dikhāo mat
mujhe dekh lene do sub.h-e-fardā kī raushnī
mirī aañkh se abhī haath apnā haTāo mat
vahī peḌ hai vahī shāḳh hai vahī naam hai
jo girā hai phuul yahāñ se us ko uThāo mat
mujhe tah meñ jā ke uchhālne haiñ guhar ka.ī
maiñ huuñ mutma.in mujhe Dūbne se bachāo mat
tumheñ be-maqām rafāqatoñ kī talāsh hai
mirā shahr shahr-e-sabāt hai yahāñ aao mat
مجھے آگہی کا نشاں سمجھ کے مٹاؤ مت
یہ چراغ جلنے لگا ہے اس کو بجھاؤ مت
مجھے جاگنا ہے تمام عمر اسی طرح
مجھے صبح و شام کے سلسلے میں ملاؤ مت
مجھے علم ہے مرے خال و خد میں کمی ہے کیا
مجھے آئنے کا طلسم کوئی دکھاؤ مت
مجھے دیکھ لینے دو صبح فردا کی روشنی
مری آنکھ سے ابھی ہاتھ اپنا ہٹاؤ مت
وہی پیڑ ہے وہی شاخ ہے وہی نام ہے
جو گرا ہے پھول یہاں سے اس کو اٹھاؤ مت
مجھے تہہ میں جا کے اچھالنے ہیں گہر کئی
میں ہوں مطمئن مجھے ڈوبنے سے بچاؤ مت
تمہیں بے مقام رفاقتوں کی تلاش ہے
مرا شہر شہر ثبات ہے یہاں آؤ مت