मुझ सा न दे ज़माने को परवरदिगार दिल
आशुफ़्ता दिल फ़रेफ़्ता दिल बे-क़रार दिल
हर बार माँगती हैं नया चश्म-ए-यार दिल
इक दिल के किस तरह से बनाऊँ हज़ार दिल
मशहूर हो गई है ज़ियारत शहीद की
ख़ूँ-कुश्ता आरज़ू का बना है मज़ार दिल
ये सैद-गाह-ए-इश्क़ है ठहराइए निगाह
सय्याद-ए-मुज़्तरिब से न होगा शिकार दिल
तूफ़ान-ए-नूह भी हो तो मिल जाए ख़ाक में
अल्लाह रे ग़ुबार तिरा पुर ग़ुबार दिल
पूछा जो उस ने तालिब-ए-रोज़-ए-जज़ा है कौन
निकला मिरी ज़बान से बे-इख़्तियार दिल
करते हो अहद-ए-वस्ल तो इतना रहे ख़याल
पैमान से ज़ियादा है ना-पाएदार दिल
तासीर-ए-इश्क़ ये है तिरे अहद-ए-हुस्न में
मिट्टी का भी बनाएँ तो हो बे-क़रार दिल
उस की तलाश है कि नज़र आए आरज़ू
ज़ालिम ने रोज़ चाक किए हैं हज़ार दिल
आलम हुआ तमाम रहा उस को शौक़-ए-हूर
बरसाए आसमान से परवरदिगार दिल
पहले-पहल की चाह का कीजे न इम्तिहाँ
आना तो सीख ले अभी दो-चार बार दिल
निकले मिरी बग़ल से वो ऐसे तड़प के साथ
याद आ गया मुझे वहीं बे-इख़्तियार दिल
ऐ अंदलीब तुझ को लगे कब हवा-ए-इश्क़
कलियों की तरह तुझ में न फूटे हज़ार दिल
आशिक़ हुए वो जैसे अदू पर ये हाल है
रख कह के हाथ देखते हैं बार बार दिल
उस ने कहा है सब्र पड़ेगा रक़ीब का
ले और बे-क़रार हुआ बे-क़रार दिल
बेताब हो के बज़्म से उस की उठा दिया
ग़ाफ़िल मैं हूँ मगर है बहुत होश्यार दिल
मशहूर हैं सिकंदर ओ जम की निशानियाँ
ऐ 'दाग़' छोड़ जाएँगे हम यादगार दिल
mujh sā na de zamāne ko parvardigār dil
āshufta dil farefta dil be-qarār dil
har baar māñgtī haiñ nayā chashm-e-yār dil
ik dil ke kis tarah se banā.ūñ hazār dil
mash.hūr ho ga.ī hai ziyārat shahīd kī
ḳhūñ-kushta aarzū kā banā hai mazār dil
ye said-gāh-e-ishq hai Thahrā.iye nigāh
sayyād-e-muztarib se na hogā shikār dil
tūfān-e-nūh bhī ho to mil jaa.e ḳhaak meñ
allāh re ġhubār tirā pur ġhubār dil
pūchhā jo us ne tālib-e-roz-e-jazā hai kaun
niklā mirī zabān se be-iḳhtiyār dil
karte ho ahd-e-vasl to itnā rahe ḳhayāl
paimān se ziyāda hai nā-pā.edār dil
tāsīr-e-ishq ye hai tire ahd-e-husn meñ
miTTī kā bhī banā.eñ to ho be-qarār dil
us kī talāsh hai ki nazar aa.e aarzū
zālim ne roz chaak kiye haiñ hazār dil
aalam huā tamām rahā us ko shauq-e-hūr
barsā.e āsmān se parvardigār dil
pahle-pahal kī chaah kā kiije na imtihāñ
aanā to siikh le abhī do-chār baar dil
nikle mirī baġhal se vo aise taḌap ke saath
yaad aa gayā mujhe vahīñ be-iḳhtiyār dil
ai andalīb tujh ko lage kab havā-e-ishq
kaliyoñ kī tarah tujh meñ na phūTe hazār dil
āshiq hue vo jaise adū par ye haal hai
rakh kah ke haath dekhte haiñ baar baar dil
us ne kahā hai sabr paḌegā raqīb kā
le aur be-qarār huā be-qarār dil
betāb ho ke bazm se us kī uThā diyā
ġhāfil maiñ huuñ magar hai bahut hoshyār dil
mash.hūr haiñ sikandar o jam kī nishāniyāñ
ai 'dāġh' chhoḌ jā.eñge ham yādgār dil
مجھ سا نہ دے زمانے کو پروردگار دل
آشفتہ دل فریفتہ دل بے قرار دل
ہر بار مانگتی ہیں نیا چشم یار دل
اک دل کے کس طرح سے بناؤں ہزار دل
مشہور ہو گئی ہے زیارت شہید کی
خوں کشتہ آرزو کا بنا ہے مزار دل
یہ صید گاہ عشق ہے ٹھہرائیے نگاہ
صیاد مضطرب سے نہ ہوگا شکار دل
طوفان نوح بھی ہو تو مل جائے خاک میں
اللہ رے غبار ترا پر غبار دل
پوچھا جو اس نے طالب روز جزا ہے کون
نکلا مری زبان سے بے اختیار دل
کرتے ہو عہد وصل تو اتنا رہے خیال
پیمان سے زیادہ ہے ناپائیدار دل
تاثیر عشق یہ ہے ترے عہد حسن میں
مٹی کا بھی بنائیں تو ہو بے قرار دل
اس کی تلاش ہے کہ نظر آئے آرزو
ظالم نے روز چاک کئے ہیں ہزار دل
عالم ہوا تمام رہا اس کو شوق حور
برسائے آسمان سے پروردگار دل
پہلے پہل کی چاہ کا کیجے نہ امتحاں
آنا تو سیکھ لے ابھی دو چار بار دل
نکلے مری بغل سے وہ ایسے تڑپ کے ساتھ
یاد آ گیا مجھے وہیں بے اختیار دل
اے عندلیب تجھ کو لگے کب ہوائے عشق
کلیوں کی طرح تجھ میں نہ پھوٹے ہزار دل
عاشق ہوئے وہ جیسے عدو پر یہ حال ہے
رکھ کہہ کے ہاتھ دیکھتے ہیں بار بار دل
اس نے کہا ہے صبر پڑے گا رقیب کا
لے اور بے قرار ہوا بے قرار دل
بیتاب ہو کے بزم سے اس کی اٹھا دیا
غافل میں ہوں مگر ہے بہت ہشیار دل
مشہور ہیں سکندر و جم کی نشانیاں
اے داغؔ چھوڑ جائیں گے ہم یادگار دل