मुझ पर निशाँ लगाइए पहले सवालिए
फिर मसअलों को खोलिए और हल निकालिए
जज़्बात आ सके हैं कभी इख़्तियार में
आँखों की फ़िक्र छोड़िए दिल को सँभालिये
वहशत ने मेरी नींद पे पहरे लगा दिए
कुछ ख़्वाब मेरी आँख की जानिब उछालिए
वहम-ओ-गुमाँ उतार के फेंके हैं और फिर
हम ने यक़ीं की ऊन से ख़िरक़े सिला लिए
कम पड़ रहा था पहले ही कश्कोल-ए-ज़िंदगी
और हम ने अपनी ज़ात के ग़म भी उठा लिए
कुछ लोग गाँव छोड़ के शहरों में जा बसे
बाक़ी को इंतिज़ार की दीमक ने खा लिए
'फ़ैसल' वो फिर भी आँख पे ज़ाहिर नहीं हुआ
पर्दे भी दरमियान से सारे उठा लिए
mujh par nishāñ lagā.iye pahle savāliye
phir mas.aloñ ko kholiye aur hal nikāliye
jazbāt aa sake haiñ kabhī iḳhtiyār meñ
āñkhoñ kī fikr chhoḌiye dil ko sambhāliye
vahshat ne merī niiñd pe pahre lagā diye
kuchh ḳhvāb merī aañkh kī jānib uchhāliye
vahm-o-gumāñ utaar ke pheñke haiñ aur phir
ham ne yaqīñ kī uun se ḳhirqe silā liye
kam paḌ rahā thā pahle hī kashkol-e-zindagī
aur ham ne apnī zaat ke ġham bhī uThā liye
kuchh log gaañv chhoḌ ke shahroñ meñ jā base
baaqī ko intizār kī dīmak ne khā liye
'faisal' vo phir bhī aañkh pe zāhir nahīñ huā
parde bhī darmiyān se saare uThā liye
مجھ پر نشاں لگائیے پہلے سوالیے
پھر مسئلوں کو کھولیے اور حل نکالیے
جذبات آ سکے ہیں کبھی اختیار میں
آنکھوں کی فکر چھوڑیئے دل کو سنبھالیے
وحشت نے میری نیند پہ پہرے لگا دئے
کچھ خواب میری آنکھ کی جانب اچھالیے
وہم و گماں اتار کے پھینکے ہیں اور پھر
ہم نے یقیں کی اون سے خرقے سلا لیے
کم پڑ رہا تھا پہلے ہی کشکول زندگی
اور ہم نے اپنی ذات کے غم بھی اٹھا لیے
کچھ لوگ گاؤں چھوڑ کے شہروں میں جا بسے
باقی کو انتظار کی دیمک نے کھا لیے
فیصلؔ وہ پھر بھی آنکھ پہ ظاہر نہیں ہوا
پردے بھی درمیان سے سارے اٹھا لیے