मोहब्बत रंग दे जाती है जब दिल दिल से मिलता है
मगर मुश्किल तो ये है दिल बड़ी मुश्किल से मिलता है
कशिश से कब है ख़ाली तिश्ना-कामी तिश्ना-कामों की
कि बढ़ कर मौजा-ए-दरिया लब-ए-साहिल से मिलता है
लुटाते हैं वो दौलत हुस्न की बावर नहीं आता
हमें तो एक बोसा भी बड़ी मुश्किल से मिलता है
गले मिल कर वो रुख़्सत हो रहे हैं हाए क्या कहने
ये हालत है कि बिस्मिल जिस तरह बिस्मिल से मिलता है
शहादत की ख़ुशी ऐसी है मुश्ताक़-ए-शहादत को
कभी ख़ंजर से मिलता है कभी क़ातिल से मिलता है
वो मुझ को देख कर कुछ अपने दिल में झेंप जाते हैं
कोई परवाना जब शम-ए-सर-ए-महफ़िल से मिलता है
ख़ुदा जाने ग़ुबार-ए-राह है या क़ैस है लैला
कोई आग़ोश खोले पर्दा-ए-महमिल से मिलता है
'जलील' उस की तलब से बाज़ रहना सख़्त ग़फ़लत है
ग़नीमत जानिए उस को कि वो मुश्किल से मिलता है
mohabbat rañg de jaatī hai jab dil dil se miltā hai
magar mushkil to ye hai dil baḌī mushkil se miltā hai
kashish se kab hai ḳhālī tishna-kāmī tishna-kāmoñ kī
ki baḌh kar mauja-e-dariyā lab-e-sāhil se miltā hai
luTāte haiñ vo daulat husn kī bāvar nahīñ aatā
hameñ to ek bosa bhī baḌī mushkil se miltā hai
gale mil kar vo ruḳhsat ho rahe haiñ haa.e kyā kahne
ye hālat hai ki bismil jis tarah bismil se miltā hai
shahādat kī ḳhushī aisī hai mushtāq-e-shahādat ko
kabhī ḳhanjar se miltā hai kabhī qātil se miltā hai
vo mujh ko dekh kar kuchh apne dil meñ jheñp jaate haiñ
koī parvāna jab sham-e-sar-e-mahfil se miltā hai
ḳhudā jaane ġhubār-e-rāh hai yā qais hai lailā
koī āġhosh khole parda-e-mahmil se miltā hai
'jalīl' us kī talab se baaz rahnā saḳht ġhaflat hai
ġhanīmat jāniye us ko ki vo mushkil se miltā hai
محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
کشش سے کب ہے خالی تشنہ کامی تشنہ کاموں کی
کہ بڑھ کر موجۂ دریا لب ساحل سے ملتا ہے
لٹاتے ہیں وہ دولت حسن کی باور نہیں آتا
ہمیں تو ایک بوسہ بھی بڑی مشکل سے ملتا ہے
گلے مل کر وہ رخصت ہو رہے ہیں ہائے کیا کہنے
یہ حالت ہے کہ بسمل جس طرح بسمل سے ملتا ہے
شہادت کی خوشی ایسی ہے مشتاق شہادت کو
کبھی خنجر سے ملتا ہے کبھی قاتل سے ملتا ہے
وہ مجھ کو دیکھ کر کچھ اپنے دل میں جھینپ جاتے ہیں
کوئی پروانہ جب شمع سر محفل سے ملتا ہے
خدا جانے غبار راہ ہے یا قیس ہے لیلیٰ
کوئی آغوش کھولے پردۂ محمل سے ملتا ہے
جلیلؔ اس کی طلب سے باز رہنا سخت غفلت ہے
غنیمت جانیے اس کو کہ وہ مشکل سے ملتا ہے