मोहब्बत का तिरी बंदा हर इक को ऐ सनम पाया
बराबर गर्दन-ए-शाह-ओ-गदा दोनों को ख़म पाया
ब-रंग-ए-शम्अ जिस नय दिल जलाया तेरी दूरी मैं
तो उस नय मंज़िल-ए-मक़्सूद को ज़ेर-ए-क़दम पाया
बजा करते हैं आशिक़ ताक़-ए-अबरू की परस्तारी
यही मेहराब-ए-दैर-ओ-काबा में भी हम ने ख़म पाया
निशाना तीर-ए-तोहमत का है मेरा अख़्तर-ए-ताले
उठाऊँ दाग़ मैं तो आसमाँ समझे दिरम पाया
हज़ारों हसरतें जावेंगी मेरे साथ दुनिया से
शरार-ओ-बर्क़ से भी अरसा-ए-हस्ती को कम पाया
सिवाए रंज कुछ हासिल नहीं है इस ख़राबे मैं
ग़नीमत जान जो आराम तू ने कोई दम पाया
नज़र आया तमाशा-ए-जहाँ जब बंद कीं आँखें
सफ़ा-ए-क़ल्ब से पहलू में हम ने जाम-ए-जम पाया
जलाया और मारा हुस्न की नैरंग-साज़ी ने
कभी बर्क़-ए-ग़ज़ब उस को कभी अब्र-ए-करम पाया
फ़िराक़-अंजाम काम आग़ाज़-ए-वसलत का बिला शक है
बहुत रोया मैं रूह-ओ-तन को जब मुश्ताक़ हम पाया
हर इक जौहर में उस का नक़्श-ए-पा-ए-रफ़्तगाँ समझा
दम-ए-शमशीर-ए-क़ातिल जादा-ए-राह-ए-अदम पाया
हमारा काबा-ए-मक़्सूद तेरा ताक़-ए-अबरू है
तिरी चश्म-ए-सियह को हम ने आहु-ए-हरम पाया
हुआ हरगिज़ न ख़त्त-ए-शौक़ का सामाँ दुरुस्त 'आतिश'
सियाही हो गई नायाब अगर हम ने क़लम पाया
mohabbat kā tirī banda har ik ko ai sanam paayā
barābar gardan-e-shāh-o-gadā donoñ ko ḳham paayā
ba-rañg-e-sham.a jis nai dil jalāyā terī duurī maiñ
to us nai manzil-e-maqsūd ko zer-e-qadam paayā
bajā karte haiñ āshiq tāq-e-abrū kī parastārī
yahī mehrāb-e-dair-o-ka.aba meñ bhī ham ne ḳham paayā
nishāna tīr-e-tohmat kā hai merā aḳhtar-e-tāle
uThā.ūñ daaġh maiñ to āsmāñ samjhe diram paayā
hazāroñ hasrateñ jāveñgī mere saath duniyā se
sharār-o-barq se bhī arsa-e-hastī ko kam paayā
sivā.e rañj kuchh hāsil nahīñ hai is ḳharābe maiñ
ġhanīmat jaan jo ārām tū ne koī dam paayā
nazar aayā tamāshā-e-jahāñ jab band kiiñ āñkheñ
safā-e-qalb se pahlū meñ ham ne jām-e-jam paayā
jalāyā aur maarā husn kī nairañg-sāzī ne
kabhī barq-e-ġhazab us ko kabhī abr-e-karam paayā
firāq-anjām kaam āġhāz-e-vaslat kā bilā shak hai
bahut royā maiñ rūh-o-tan ko jab mushtāq ham paayā
har ik jauhar meñ us kā naqsh-e-pā-e-raftagāñ samjhā
dam-e-shamshīr-e-qātil jāda-e-rāh-e-adam paayā
hamārā kāba-e-maqsūd terā tāq-e-abrū hai
tirī chashm-e-siyah ko ham ne āhu-e-haram paayā
huā hargiz na ḳhatt-e-shauq kā sāmāñ durust 'ātish'
siyāhī ho ga.ī nāyāb agar ham ne qalam paayā
محبت کا تری بندہ ہر اک کو اے صنم پایا
برابر گردن شاہ و گدا دونوں کو خم پایا
برنگ شمع جس نے دل جلایا تیری دوری میں
تو اس نے منزل مقصود کو زیر قدم پایا
بجا کرتے ہیں عاشق طاق ابرو کی پرستاری
یہی محراب دیر و کعبہ میں بھی ہم نے خم پایا
نشانہ تیر تہمت کا ہے میرا اختر طالع
اٹھاؤں داغ میں تو آسماں سمجھے درم پایا
ہزاروں حسرتیں جاویں گی میرے ساتھ دنیا سے
شرار و برق سے بھی عرصۂ ہستی کو کم پایا
سوائے رنج کچھ حاصل نہیں ہے اس خرابے میں
غنیمت جان جو آرام تو نے کوئی دم پایا
نظر آیا تماشائے جہاں جب بند کیں آنکھیں
صفائے قلب سے پہلو میں ہم نے جام جم پایا
جلایا اور مارا حسن کی نیرنگ سازی نے
کبھی برق غضب اس کو کبھی ابر کرم پایا
فراق انجام کام آغاز وصلت کا بلا شک ہے
بہت رویا میں روح و تن کو جب مشتاق ہم پایا
ہر اک جوہر میں اس کا نقش پائے رفتگاں سمجھا
دم شمشیر قاتل جادۂ راہ عدم پایا
ہمارا کعبۂ مقصود تیرا طاق ابرو ہے
تری چشم سیہ کو ہم نے آہوئے حرم پایا
ہوا ہرگز نہ خط شوق کا ساماں درست آتشؔ
سیاہی ہو گئی نایاب اگر ہم نے قلم پایا