मिरी वफ़ा का न सोचा था ये सिला देगा
समझ के हर्फ़-ए-ग़लत वो मुझे मिटा देगा
भला वो देगा भी मुझ को तो और क्या देगा
ग़मों की धूप में जीने की बस सज़ा देगा
अजीब ज़िद है कि उल्टा ही सोचता है वो
मैं सच कहूँगा उसे झूट वो बना देगा
सितम का उस के कुछ अंदाज़ ही निराला है
जो मौत चाहूँगा जीने की वो दुआ देगा
ये सोचता हूँ उसे आइना दिखा ही दूँ
बहुत करेगा भरी बज़्म से उठा देगा
मैं छोड़ दूँ उसे 'बेताब' किस तरह आख़िर
क़दम क़दम पे मिरा घर मुझे सदा देगा
mirī vafā kā na sochā thā ye sila degā
samajh ke harf-e-ġhalat vo mujhe miTā degā
bhalā vo degā bhī mujh ko to aur kyā degā
ġhamoñ kī dhuup meñ jiine kī bas sazā degā
ajiib zid hai ki ulTā hī sochtā hai vo
maiñ sach kahūñgā use jhuuT vo banā degā
sitam kā us ke kuchh andāz hī nirālā hai
jo maut chāhūñgā jiine kī vo duā degā
ye sochtā huuñ use aa.ina dikhā hī duuñ
bahut karegā bharī bazm se uThā degā
maiñ chhoḌ duuñ use 'betāb' kis tarah āḳhir
qadam qadam pe mirā ghar mujhe sadā degā
مری وفا کا نہ سوچا تھا یہ صلہ دے گا
سمجھ کے حرف غلط وہ مجھے مٹا دے گا
بھلا وہ دے گا بھی مجھ کو تو اور کیا دے گا
غموں کی دھوپ میں جینے کی بس سزا دے گا
عجیب ضد ہے کہ الٹا ہی سوچتا ہے وہ
میں سچ کہوں گا اسے جھوٹ وہ بنا دے گا
ستم کا اس کے کچھ انداز ہی نرالا ہے
جو موت چاہوں گا جینے کی وہ دعا دے گا
یہ سوچتا ہوں اسے آئنہ دکھا ہی دوں
بہت کرے گا بھری بزم سے اٹھا دے گا
میں چھوڑ دوں اسے بیتابؔ کس طرح آخر
قدم قدم پہ مرا گھر مجھے صدا دے گا