आँखें मूँदे सब कुछ भूले कब से यूँही बैठे हैं
पलकों पे कुछ ख़्वाब सजाए जागे जागे सोए हैं
किस से क्या रिश्ता था मेरा अब तो ये भी याद नहीं
रेज़ा-रेज़ा आईना है बिखरे बिखरे चेहरे हैं
अपने घर की वीरानी का हम किस से क्या हाल कहें
सूना सूना दरवाज़ा है ख़ाली ख़ाली कमरे हैं
तन्हाई के अँधियारे में यादों की मौहूम किरन
जैसे रात की पेशानी पर झिलमिल झिलमिल तारे हैं
तुम से क्या बतलाएँ दिल का आलम क्या हो जाता है
बीते मौसम की यादों के आँचल जब लहराते हैं
अब के बरस भी सावन आ कर यूँही बीत गया आख़िर
जलते हैं हम अंदर अंदर आस के पंछी प्यासे हैं
वक़्त की भट्टी में तप तप कर हम ने ये जाना 'बेताब'
सच्चा है इक दर्द का रिश्ता बाक़ी रिश्ते झूटे हैं
āñkheñ mūñde sab kuchh bhūle kab se yūñhī baiThe haiñ
palkoñ pe kuchh ḳhvāb sajā.e jaage jaage so.e haiñ
kis se kyā rishta thā merā ab to ye bhī yaad nahīñ
reza-reza ā.īna hai bikhre bikhre chehre haiñ
apne ghar kī vīrānī kā ham kis se kyā haal kaheñ
suunā suunā darvāza hai ḳhālī ḳhālī kamre haiñ
tanhā.ī ke añdhiyāre meñ yādoñ kī mauhūm kiran
jaise raat kī peshānī par jhilmil jhilmil taare haiñ
tum se kyā batlā.eñ dil kā aalam kyā ho jaatā hai
biite mausam kī yādoñ ke āñchal jab lahrāte haiñ
ab ke baras bhī sāvan aa kar yūñhī biit gayā āḳhir
jalte haiñ ham andar andar aas ke panchhī pyāse haiñ
vaqt kī bhaTTī meñ tap tap kar ham ne ye jaanā 'betāb'
sachchā hai ik dard kā rishta baaqī rishte jhūTe haiñ
آنکھیں موندے سب کچھ بھولے کب سے یوں ہی بیٹھے ہیں
پلکوں پہ کچھ خواب سجائے جاگے جاگے سوئے ہیں
کس سے کیا رشتہ تھا میرا اب تو یہ بھی یاد نہیں
ریزہ ریزہ آئینہ ہے بکھرے بکھرے چہرے ہیں
اپنے گھر کی ویرانی کا ہم کس سے کیا حال کہیں
سونا سونا دروازہ ہے خالی خالی کمرے ہیں
تنہائی کے اندھیارے میں یادوں کی موہوم کرن
جیسے رات کی پیشانی پر جھلمل جھلمل تارے ہیں
تم سے کیا بتلائیں دل کا عالم کیا ہو جاتا ہے
بیتے موسم کی یادوں کے آنچل جب لہراتے ہیں
اب کے برس بھی ساون آ کر یوں ہی بیت گیا آخر
جلتے ہیں ہم اندر اندر آس کے پنچھی پیاسے ہیں
وقت کی بھٹی میں تپ تپ کر ہم نے یہ جانا بیتابؔ
سچا ہے اک درد کا رشتہ باقی رشتے جھوٹے ہیں