मिरी तरफ़ से ये बे-ख़याली न जाने उन को ख़याल क्या है
कभी न पूछा मलाल क्या है कभी न देखा कि हाल क्या है
मुबारक अग़्यार से त'अल्लुक़ नई है चाहत नया तअश्शुक़
बला से हम हो गए तसद्दुक़ तुम्हें अब इस का मलाल क्या है
तुझी को जाना तुझी को माना तुझी प दी जान ग़ाएबाना
छुपा नहीं कुछ मिरा फ़साना ये अब जवाब-ओ-सवाल क्या है
विसाल हो या रहे जुदाई तुम्हारी ऐ जान जैसी मर्ज़ी
जो अपनी हालत थी मैं ने कह दी अब आगे मेरी मजाल क्या है
नज़र उठाएँ जो आरसी से तो उन से पूछूँ ये मैं हँसी से
लगाई है आँख क्या किसी से कहो तो ये देख-भाल क्या है
दर-ए-मोहब्बत का इक गदा हूँ परी का तालिब न हूर का हूँ
तुझी को तुझ से मैं चाहता हूँ बस और मेरा सवाल क्या है
कहाँ तक ऐ वा'इज़ो ये झगड़े मज़े उठाने दो बे-ख़ुदी के
जो होश में हूँ तो मैं ये समझूँ हराम क्या है हलाल क्या है
बस अब मोहब्बत से हाथ उठाओ भले को कहते हैं मान जाओ
न आप को इस तरह मिटाओ 'जलील' देखो तो हाल क्या है
mirī taraf se ye be-ḳhayālī na jaane un ko ḳhayāl kyā hai
kabhī na pūchhā malāl kyā hai kabhī na dekhā ki haal kyā hai
mubārak aġhyār se ta'alluq na.ī hai chāhat nayā ta.ashshuq
balā se ham ho ga.e tasadduq tumheñ ab is kā malāl kyā hai
tujhī ko jaanā tujhī ko maanā tujhī pa dī jaan ġhā.ebāna
chhupā nahīñ kuchh mirā fasāna ye ab javāb-o-savāl kyā hai
visāl ho yā rahe judā.ī tumhārī ai jaan jaisī marzī
jo apnī hālat thī maiñ ne kah dī ab aage merī majāl kyā hai
nazar uThā.eñ jo aarsī se to un se pūchhūñ ye maiñ hañsī se
lagā.ī hai aañkh kyā kisī se kaho to ye dekh-bhāl kyā hai
dar-e-mohabbat kā ik gadā huuñ parī kā tālib na huur kā huuñ
tujhī ko tujh se maiñ chāhtā huuñ bas aur merā savāl kyā hai
kahāñ tak ai vā'izo ye jhagḌe maze uThāne do be-ḳhudī ke
jo hosh meñ huuñ to maiñ ye samjhūñ harām kyā hai halāl kyā hai
bas ab mohabbat se haath uThāo bhale ko kahte haiñ maan jaao
na aap ko is tarah miTāo 'jalīl' dekho to haal kyā hai
مری طرف سے یہ بے خیالی نہ جانے ان کو خیال کیا ہے
کبھی نہ پوچھا ملال کیا ہے کبھی نہ دیکھا کہ حال کیا ہے
مبارک اغیار سے تعلق نئی ہے چاہت نیا تعشق
بلا سے ہم ہو گئے تصدق تمہیں اب اس کا ملال کیا ہے
تجھی کو جانا تجھی کو مانا تجھی پہ دی جان غائبانہ
چھپا نہیں کچھ مرا فسانہ یہ اب جواب و سوال کیا ہے
وصال ہو یا رہے جدائی تمہاری اے جان جیسی مرضی
جو اپنی حالت تھی میں نے کہہ دی اب آگے میری مجال کیا ہے
نظر اٹھائیں جو آرسی سے تو ان سے پوچھوں یہ میں ہنسی سے
لگائی ہے آنکھ کیا کسی سے کہو تو یہ دیکھ بھال کیا ہے
در محبت کا اک گدا ہوں پری کا طالب نہ حور کا ہوں
تجھی کو تجھ سے میں چاہتا ہوں بس اور میرا سوال کیا ہے
کہاں تک اے واعظو یہ جھگڑے مزے اٹھانے دو بے خودی کے
جو ہوش میں ہوں تو میں یہ سمجھوں حرام کیا ہے حلال کیا ہے
بس اب محبت سے ہاتھ اٹھاؤ بھلے کو کہتے ہیں مان جاؤ
نہ آپ کو اس طرح مٹاؤ جلیلؔ دیکھو تو حال کیا ہے