मिरे वजूद अभी ना-तवाँ नहीं होना
फिर इस के ब'अद ये मौसम जवाँ नहीं होना
किसे ख़बर थी कि महशर का होगा ये भी रंग
ज़मीं का होना मगर आसमाँ नहीं होना
हमें ख़बर है कि वहशत ठिकाने लगनी है
हमारा जोश अभी राएगाँ नहीं होना
वजूद अपना है और आप तय करेंगे हम
कहाँ पे होना है हम को कहाँ नहीं होना
अब इस के ब'अद सकत कुछ नहीं रही मुझ में
अब इस से आगे का क़िस्सा बयाँ नहीं होना
हमारी बस्ती का दुख है हमीं से पूछो मियाँ
कि क़ब्रें होनी मगर आस्ताँ नहीं होना
मक़ाम-ए-शुक्र है मेरे लिए कि मेरे मुरीद
ये तेरा आज मिरा क़द्र-दाँ नहीं होना
मैं ख़ानदान का सब से बड़ा मदारी हूँ
तमाशा होता रहेगा यहाँ नहीं होना
बस इतनी दूरी मयस्सर रहेगी दोनों को
कि फ़ासला भी कोई दरमियाँ नहीं होना
अजब अज़ाब था कि अपने शहर-ए-अरमाँ में
हमारे वास्ते जा-ए-अमाँ नहीं होना
ये ज़ुल्म है कि मुनादी हो इम्तिहानों की
फिर इस के ब'अद कोई इम्तिहाँ नहीं होना
अजब सुपुर्दगी-ए-जाँ का मरहला था 'अली'
हमारे होने का हम को गुमाँ नहीं होना
mire vajūd abhī nā-tavāñ nahīñ honā
phir is ke ba.ad ye mausam javāñ nahīñ honā
kise ḳhabar thī ki mahshar kā hogā ye bhī rang
zamīñ kā honā magar āsmāñ nahīñ honā
hameñ ḳhabar hai ki vahshat Thikāne lagnī hai
hamārā josh abhī rā.egāñ nahīñ honā
vajūd apnā hai aur aap tai kareñge ham
kahāñ pe honā hai ham ko kahāñ nahīñ honā
ab is ke ba.ad sakat kuchh nahīñ rahī mujh meñ
ab is se aage kā qissa bayāñ nahīñ honā
hamārī bastī kā dukh hai hamīñ se pūchho miyāñ
ki qabreñ honī magar āstāñ nahīñ honā
maqām-e-shukr hai mere liye ki mere murīd
ye terā aaj mirā qadr-dāñ nahīñ honā
maiñ ḳhāndān kā sab se baḌā madārī huuñ
tamāsha hotā rahegā yahāñ nahīñ honā
bas itnī duurī mayassar rahegī donoñ ko
ki fāsla bhī koī darmiyāñ nahīñ honā
ajab azaab thā ki apne shahr-e-armāñ meñ
hamāre vāste jā-e-amāñ nahīñ honā
ye zulm hai ki munādī ho imtihānoñ kī
phir is ke ba.ad koī imtihāñ nahīñ honā
ajab supurdagī-e-jāñ kā marhala thā 'alī'
hamāre hone kā ham ko gumāñ nahīñ honā
مرے وجود ابھی ناتواں نہیں ہونا
پھر اس کے بعد یہ موسم جواں نہیں ہونا
کسے خبر تھی کہ محشر کا ہوگا یہ بھی رنگ
زمیں کا ہونا مگر آسماں نہیں ہونا
ہمیں خبر ہے کہ وحشت ٹھکانے لگنی ہے
ہمارا جوش ابھی رائیگاں نہیں ہونا
وجود اپنا ہے اور آپ طے کریں گے ہم
کہاں پہ ہونا ہے ہم کو کہاں نہیں ہونا
اب اس کے بعد سکت کچھ نہیں رہی مجھ میں
اب اس سے آگے کا قصہ بیاں نہیں ہونا
ہماری بستی کا دکھ ہے ہمیں سے پوچھو میاں
کہ قبریں ہونی مگر آستاں نہیں ہونا
مقام شکر ہے میرے لئے کہ میرے مرید
یہ تیرا آج مرا قدرداں نہیں ہونا
میں خاندان کا سب سے بڑا مداری ہوں
تماشہ ہوتا رہے گا یہاں نہیں ہونا
بس اتنی دوری میسر رہے گی دونوں کو
کہ فاصلہ بھی کوئی درمیاں نہیں ہونا
عجب عذاب تھا کہ اپنے شہر ارماں میں
ہمارے واسطے جائے اماں نہیں ہونا
یہ ظلم ہے کہ منادی ہو امتحانوں کی
پھر اس کے بعد کوئی امتحاں نہیں ہونا
عجب سپردگیٔ جاں کا مرحلہ تھا علیؔ
ہمارے ہونے کا ہم کو گماں نہیں ہونا