मिरे नसीब में थी दोस्तो किताब ग़लत
कहीं सवाल ग़लत था कहीं जवाब ग़लत
मिरे हरीफ़ को एहसास इस का था शायद
हुआ था मेरे मुक़ाबिल वो कामयाब ग़लत
मिरे गुनाह से बढ़ कर सज़ा मिली मुझ को
लिखा गया था यक़ीनन मिरा हिसाब ग़लत
क़दम क़दम पे मुझे शर्मसार होना पड़ा
कहीं गुनाह ग़लत था कहीं सवाब ग़लत
'अजीब सिलसिला था ज़िंदगी की रातों का
कभी तो नींद ग़लत थी कभी था ख़्वाब ग़लत
हर एक शख़्स ने धोका मिरी नज़र को दिया
हर एक शख़्स था ओढ़े हुए नक़ाब ग़लत
मैं अपनी तिश्ना-लबी का 'इलाज क्या करता
कहीं तो जाम ग़लत था कहीं शराब ग़लत
मिरी नज़र ही 'कँवल' रौशनी से डरती थी
न आफ़्ताब ग़लत था न माहताब ग़लत
mire nasīb meñ thī dosto kitāb ġhalat
kahīñ savāl ġhalat thā kahīñ javāb ġhalat
mire harīf ko ehsās is kā thā shāyad
huā thā mere muqābil vo kāmyāb ġhalat
mire gunāh se baḌh kar sazā milī mujh ko
likhā gayā thā yaqīnan mirā hisāb ġhalat
qadam qadam pe mujhe sharmsār honā paḌā
kahīñ gunāh ġhalat thā kahīñ savāb ġhalat
'ajīb silsila thā zindagī kī rātoñ kā
kabhī to niiñd ġhalat thī kabhī thā ḳhvāb ġhalat
har ek shaḳhs ne dhoka mirī nazar ko diyā
har ek shaḳhs thā oḌhe hue naqāb ġhalat
maiñ apnī tishna-labī kā 'ilāj kyā kartā
kahīñ to jaam ġhalat thā kahīñ sharāb ġhalat
mirī nazar hī 'kañval' raushnī se Dartī thī
na āftāb ġhalat thā na māhtāb ġhalat
مرے نصیب میں تھی دوستو کتاب غلط
کہیں سوال غلط تھا کہیں جواب غلط
مرے حریف کو احساس اس کا تھا شاید
ہوا تھا میرے مقابل وہ کامیاب غلط
مرے گناہ سے بڑھ کر سزا ملی مجھ کو
لکھا گیا تھا یقیناً مرا حساب غلط
قدم قدم پہ مجھے شرمسار ہونا پڑا
کہیں گناہ غلط تھا کہیں ثواب غلط
عجیب سلسلہ تھا زندگی کی راتوں کا
کبھی تو نیند غلط تھی کبھی تھا خواب غلط
ہر ایک شخص نے دھوکہ مری نظر کو دیا
ہر ایک شخص تھا اوڑھے ہوئے نقاب غلط
میں اپنی تشنہ لبی کا علاج کیا کرتا
کہیں تو جام غلط تھا کہیں شراب غلط
مری نظر ہی کنولؔ روشنی سے ڈرتی تھی
نہ آفتاب غلط تھا نہ ماہتاب غلط