मिरे दिल में गर्दिश-ए-वक़्त के कई दौर ऐसे गुज़र गए
कि जो उभरे नक़्श थे मिट गए जो मिटे निशाँ थे उभर गए
ज़रा 'अहद-ए-माज़ी को झाँक लूँ ज़रा मोड़ के पीछे भी देख लूँ
मिरा कारवाँ था वो क्या हुआ मिरे हम-सफ़र वो किधर गए
वहीं याद आती हैं सूरतें वही धुँदली धुँदली सी मूरतें
वही ढूँडता हूँ मैं नक़्श-ए-पा कि जो रहगुज़र में बिखर गए
है वही तो हासिल-ए-ज़िंदगी मुझे अब भी उन पे ही नाज़ है
मिरी ज़िंदगी के वो रात दिन तिरी याद में जो गुज़र गए
न रहा वो पहला सा राब्ता नहीं दिल से दिल को वो वास्ता
लिया नाम तेरा किसी ने जब कई दाग़ दिल के उभर गए
मिरे जाम क़ल्ब-ओ-जिगर के थे किसी लहज़ा ख़ाली न रह सके
लिया नाम तेरा किसी ने जब कई दाग़ दिल के उभर गए
मिरे साज़-ए-दिल ज़रा जाग अब मुझे सोए हो गईं मुद्दतें
ये किनारा दिल का ख़मोश है यहाँ कब के तूफ़ाँ उतर गए
इन्हीं जाँ-फ़ज़ा मिरे नग़्मों का ऐ 'हबीब' हश्र ये क्या हुआ
कभी घुट के दिल में ही रह गए कभी लब पे आ के बिखर गए
mire dil meñ gardish-e-vaqt ke ka.ī daur aise guzar ga.e
ki jo ubhre naqsh the miT ga.e jo miTe nishāñ the ubhar ga.e
zarā 'ahd-e-māzī ko jhāñk luuñ zarā moḌ ke pīchhe bhī dekh luuñ
mirā kārvāñ thā vo kyā huā mire ham-safar vo kidhar ga.e
vahīñ yaad aatī haiñ sūrateñ vahī dhundlī dhundlī sī mūrateñ
vahī DhūñDtā huuñ maiñ naqsh-e-pā ki jo rahguzar meñ bikhar ga.e
hai vahī to hāsil-e-zindagī mujhe ab bhī un pe hī naaz hai
mirī zindagī ke vo raat din tirī yaad meñ jo guzar ga.e
na rahā vo pahlā sā rābta nahīñ dil se dil ko vo vāsta
liyā naam terā kisī ne jab ka.ī daaġh dil ke ubhar ga.e
mire jaam qalb-o-jigar ke the kisī lahza ḳhālī na rah sake
liyā naam terā kisī ne jab ka.ī daaġh dil ke ubhar ga.e
mire sāz-e-dil zarā jaag ab mujhe so.e ho ga.iiñ muddateñ
ye kināra dil kā ḳhamosh hai yahāñ kab ke tūfāñ utar ga.e
inhīñ jāñ-fazā mire naġhmoñ kā ai 'habīb' hashr ye kyā huā
kabhī ghuT ke dil meñ hī rah ga.e kabhī lab pe aa ke bikhar ga.e
مرے دل میں گردش وقت کے کئی دور ایسے گزر گئے
کہ جو ابھرے نقش تھے مٹ گئے جو مٹے نشاں تھے ابھر گئے
ذرا عہد ماضی کو جھانک لوں ذرا موڑ کے پیچھے بھی دیکھ لوں
مرا کارواں تھا وہ کیا ہوا مرے ہم سفر وہ کدھر گئے
وہیں یاد آتی ہیں صورتیں وہی دھندلی دھندلی سی مورتیں
وہی ڈھونڈتا ہوں میں نقش پا کہ جو رہ گزر میں بکھر گئے
ہے وہی تو حاصل زندگی مجھے اب بھی ان پہ ہی ناز ہے
مری زندگی کے وہ رات دن تری یاد میں جو گزر گئے
نہ رہا وہ پہلا سا رابطہ نہیں دل سے دل کو وہ واسطہ
لیا نام تیرا کسی نے جب کئی داغ دل کے ابھر گئے
مرے جام قلب و جگر کے تھے کسی لحظہ خالی نہ رہ سکے
لیا نام تیرا کسی نے جب کئی داغ دل کے ابھر گئے
مرے ساز دل ذرا جاگ اب مجھے سوئے ہو گئیں مدتیں
یہ کنارہ دل کا خموش ہے یہاں کب کے طوفاں اتر گئے
انہیں جاں فزا مرے نغموں کا اے حبیبؔ حشر یہ کیا ہوا
کبھی گھٹ کے دل میں ہی رہ گئے کبھی لب پہ آ کے بکھر گئے