मिरे दिल को शौक़-ए-फ़ुग़ाँ नहीं मिरे लब तक आती दुआ नहीं
वो दहन हूँ जिस में ज़बाँ नहीं वो जरस हूँ जिस में सदा नहीं
न तुझे दिमाग़-ए-निगाह है न किसी को ताब-ए-जमाल है
उन्हें किस तरह से दिखाऊँ मैं वो जो कहते हैं कि ख़ुदा नहीं
किसे नींद आती है ऐ सनम तिरे ताक़-ए-अबरू की याद में
कभी आश्ना-ए-तह-ए-बग़ल सर-ए-मुर्ग़-ए-क़िबला-नुमा नहीं
अजब इस का क्या न समाउँ मैं जो ख़याल-ए-दुश्मन-ओ-दोस्त है
वो मक़ाम हूँ कि गुज़र नहीं वो मकान हूँ कि पता नहीं
ये ख़िलाफ़ हो गया आसमाँ ये हवा ज़माने की फिर गई
कहीं गुल खिले भी तो बूँद से कहीं हुस्न है तो वफ़ा नहीं
मरज़-ए-जुदाई-ए-यार ने ये बिगाड़ दी है हमारी ख़ू
कि मुआफ़िक़ अपने मिज़ाज के नज़र आती कोई दवा नहीं
मुझे ज़ाफ़रान से ज़र्द-तर ग़म-ए-हिज्र-ए-यार ने कर दिया
नहीं ऐसा कोई ज़माने में मिरे हाल पर जो हँसा नहीं
मिरे आगे उस को फ़रोग़ हो ये मजाल क्या है रक़ीब की
ये हुजूम-ए-जल्वा-ए-यार है कि चराग़-ए-ख़ाना को जा नहीं
चलें गो कि सैकड़ों आँधियाँ जलें गरचे लाख घर ऐ फ़लक
भड़क उठ्ठे 'आतिश'-ए-तूर फिर कोई इस तरह की दवा नहीं
mire dil ko shauq-e-fuġhāñ nahīñ mire lab tak aatī duā nahīñ
vo dahan huuñ jis meñ zabāñ nahīñ vo jaras huuñ jis meñ sadā nahīñ
na tujhe dimāġh-e-nigāh hai na kisī ko tāb-e-jamāl hai
unheñ kis tarah se dikhā.ūñ maiñ vo jo kahte haiñ ki ḳhudā nahīñ
kise niiñd aatī hai ai sanam tire tāq-e-abrū kī yaad meñ
kabhī ā.shnā-e-tah-e-baġhal sar-e-murġh-e-qibla-numā nahīñ
ajab is kā kyā na samā.ūñ maiñ jo ḳhayāl-e-dushman-o-dost hai
vo maqām huuñ ki guzar nahīñ vo makān huuñ ki patā nahīñ
ye ḳhilāf ho gayā āsmāñ ye havā zamāne kī phir ga.ī
kahīñ gul khile bhī to buuñd se kahīñ husn hai to vafā nahīñ
maraz-e-judā.ī-e-yār ne ye bigāḌ dī hai hamārī ḳhū
ki muāfiq apne mizāj ke nazar aatī koī davā nahīñ
mujhe zāfrān se zard-tar ġham-e-hijr-e-yār ne kar diyā
nahīñ aisā koī zamāne meñ mire haal par jo hañsā nahīñ
mire aage us ko faroġh ho ye majāl kyā hai raqīb kī
ye hujūm-e-jalva-e-yār hai ki charāġh-e-ḳhāna ko jā nahīñ
chaleñ go ki saikḌoñ āñdhiyāñ jaleñ garche laakh ghar ai falak
bhaḌak uTThe 'ātish'-e-tūr phir koī is tarah kī davā nahīñ
مرے دل کو شوق فغاں نہیں مرے لب تک آتی دعا نہیں
وہ دہن ہوں جس میں زباں نہیں وہ جرس ہوں جس میں صدا نہیں
نہ تجھے دماغ نگاہ ہے نہ کسی کو تاب جمال ہے
انہیں کس طرح سے دکھاؤں میں وہ جو کہتے ہیں کہ خدا نہیں
کسے نیند آتی ہے اے صنم ترے طاق ابرو کی یاد میں
کبھی آشنائے تہ بغل سر مرغ قبلہ نما نہیں
عجب اس کا کیا نہ سماؤں میں جو خیال دشمن و دوست ہے
وہ مقام ہوں کہ گزر نہیں وہ مکان ہوں کہ پتا نہیں
یہ خلاف ہو گیا آسماں یہ ہوا زمانہ کی پھر گئی
کہیں گل کھلے بھی تو بوند سے کہیں حسن ہے تو وفا نہیں
مرض جدائی یار نے یہ بگاڑ دی ہے ہماری خو
کہ موافق اپنے مزاج کے نظر آتی کوئی دوا نہیں
مجھے زعفران سے زرد تر غم ہجر یار نے کر دیا
نہیں ایسا کوئی زمانہ میں مرے حال پر جو ہنسا نہیں
مرے آگے اس کو فروغ ہو یہ مجال کیا ہے رقیب کی
یہ ہجوم جلوۂ یار ہے کہ چراغ خانہ کو جا نہیں
چلیں گو کہ سیکڑوں آندھیاں جلیں گرچہ لاکھ گھر اے فلک
بھڑک اٹھے آتشؔ طور پھر کوئی اس طرح کی دوا نہیں