मिरे बदन पे सजा है बरहनगी का लिबास
यही लिबास हुआ मेरी ज़िंदगी का लिबास
मिरा ये जुर्म कि मेरी अना के शानों पर
पड़ा हुआ है ग़म-ए-मर्ग-ए-दोस्ती का लिबास
न मुझ को ख़्वाहिश-ए-हस्ती न आस मरने की
कि अब लबों ने दिखाया है तिश्नगी का लिबास
फ़सील-ए-शहर पे मेरी सदा भी रौशन है
ज़माना फेंकने वाला है तीरगी का लिबास
वो जिस्म-ओ-जाँ को छुपाए तो फिर भी उर्यां है
कि मेरी आँख में रक़्साँ है रहबरी का लिबास
लहू के रंग की सुर्ख़ी बदन की वीरानी
किस एहतिमाम से लाया है आदमी का लिबास
ये गर्म सर्द हवाएँ ये आँधियाँ 'ताहिर'
कि चाक-चाक हुआ अब के आगही का लिबास
mire badan pe sajā hai barahnagī kā libās
yahī libās huā merī zindagī kā libās
mirā ye jurm ki merī anā ke shānoñ par
paḌā huā hai ġham-e-marg-e-dostī kā libās
na mujh ko ḳhvāhish-e-hastī na aas marne kī
ki ab laboñ ne dikhāyā hai tishnagī kā libās
fasīl-e-shahr pe merī sadā bhī raushan hai
zamāna pheñkne vaalā hai tīrgī kā libās
vo jism-o-jāñ ko chhupā.e to phir bhī uryāñ hai
ki merī aañkh meñ raqsāñ hai rahbarī kā libās
lahū ke rang kī surḳhī badan kī vīrānī
kis ehtimām se laayā hai aadmī kā libās
ye garm sard havā.eñ ye āñdhiyāñ 'tāhir'
ki chāk-chāk huā ab ke āgahī kā libās
مرے بدن پہ سجا ہے برہنگی کا لباس
یہی لباس ہوا میری زندگی کا لباس
مرا یہ جرم کہ میری انا کے شانوں پر
پڑا ہوا ہے غم مرگ دوستی کا لباس
نہ مجھ کو خواہش ہستی نہ آس مرنے کی
کہ اب لبوں نے دکھایا ہے تشنگی کا لباس
فصیل شہر پہ میری صدا بھی روشن ہے
زمانہ پھینکنے والا ہے تیرگی کا لباس
وہ جسم و جاں کو چھپائے تو پھر بھی عریاں ہے
کہ میری آنکھ میں رقصاں ہے رہبری کا لباس
لہو کے رنگ کی سرخی بدن کی ویرانی
کس اہتمام سے لایا ہے آدمی کا لباس
یہ گرم سرد ہوائیں یہ آندھیاں طاہرؔ
کہ چاک چاک ہوا اب کے آگہی کا لباس