मिरा जुनून-ए-मोहब्बत तो कोई राज़ नहीं
तिरे ही पास मगर चश्म-ए-इम्तियाज़ नहीं
सबब ये है जो है तू कैफ़-ए-इश्क़ से महरूम
कि सोज़-ए-इश्क़ तो है दिल में तेरे साज़ नहीं
कुछ और दिन उसे रख आतिश-ए-मोहब्बत पर
कि तेरे शीशा-ए-दिल में अभी गुदाज़ नहीं
वबाल-ए-जाँ हो न क्यों इश्क़ के असीरों को
वो दिल जो तेरी मोहब्बत से सरफ़राज़ नहीं
करम कहूँ इसे क़ुदरत का या सितम समझूँ
कि दिल दिया है मगर कोई दिल-नवाज़ नहीं
बस एक लफ़्ज़-ए-मोहब्बत के मा-सिवा क्या है
सुनें जो वो तो मिरी दास्ताँ दराज़ नहीं
अता-ए-ख़ास है तेरी मिरा ये ज़ौक़-ए-जुनूँ
अता पे नाज़ है मुझ को जुनूँ पे नाज़ नहीं
कोई किसी से ये कह दे कि मेरा इश्क़ 'जलील'
बहाना-साज़ है लेकिन ज़माना-साज़ नहीं
mirā junūn-e-mohabbat to koī raaz nahīñ
tire hī paas magar chashm-e-imtiyāz nahīñ
sabab ye hai jo hai tū kaif-e-ishq se mahrūm
ki soz-e-ishq to hai dil meñ tere saaz nahīñ
kuchh aur din use rakh ātish-e-mohabbat par
ki tere shīsha-e-dil meñ abhī gudāz nahīñ
vabāl-e-jāñ ho na kyoñ ishq ke asīroñ ko
vo dil jo terī mohabbat se sarfarāz nahīñ
karam kahūñ ise qudrat kā yā sitam samjhūñ
ki dil diyā hai magar koī dil-navāz nahīñ
bas ek lafz-e-mohabbat ke mā-sivā kyā hai
suneñ jo vo to mirī dāstāñ darāz nahīñ
atā-e-ḳhās hai terī mirā ye zauq-e-junūñ
atā pe naaz hai mujh ko junūñ pe naaz nahīñ
koī kisī se ye kah de ki merā ishq 'jalīl'
bahāna-sāz hai lekin zamāna-sāz nahīñ
مرا جنون محبت تو کوئی راز نہیں
ترے ہی پاس مگر چشم امتیاز نہیں
سبب یہ ہے جو ہے تو کیف عشق سے محروم
کہ سوز عشق تو ہے دل میں تیرے ساز نہیں
کچھ اور دن اسے رکھ آتش محبت پر
کہ تیرے شیشۂ دل میں ابھی گداز نہیں
وبال جاں ہو نہ کیوں عشق کے اسیروں کو
وہ دل جو تیری محبت سے سرفراز نہیں
کرم کہوں اسے قدرت کا یا ستم سمجھوں
کہ دل دیا ہے مگر کوئی دل نواز نہیں
بس ایک لفظ محبت کے ماسوا کیا ہے
سنیں جو وہ تو مری داستاں دراز نہیں
عطائے خاص ہے تیری مرا یہ ذوق جنوں
عطا پہ ناز ہے مجھ کو جنوں پہ ناز نہیں
کوئی کسی سے یہ کہہ دے کہ میرا عشق جلیلؔ
بہانہ ساز ہے لیکن زمانہ ساز نہیں