मिन्नतों से भी न वो हूर-शमाइल आया
किस जगह आँख लड़ी हाए कहाँ दिल आया
हम न कहते थे न कर इश्क़ पशेमाँ होगा
जो किया तू ने वो आगे तिरे ऐ दिल आया
क़हक़हे क़ुलक़ुल-ए-मीना ने लगाए क्या क्या
मुझ को मस्ती में जो रोना सर-ए-महफ़िल आया
क़त्ल की सुन के ख़बर ईद मनाई मैं ने
आज जिस से मुझे मिलना था गले मिल आया
ता दम-ए-मर्ग न हो वो मिरे दुश्मन को नसीब
जो मज़ा मुझ को इलाही दम-ए-बिस्मिल आया
मरक़द-ए-क़ैस पर अब तक भी तो ख़ार-ए-सहरा
उँगलियों से ये बताते हैं वो महमिल आया
गंज-ए-क़ारूँ के सिवा भी है अदम में सब कुछ
हाए दुनिया में न इस मुल्क का हासिल आया
जिस ने कुछ होश सँभाला वो जवाँ क़त्ल हुआ
अहद-ए-पीरी न तिरे अहद में क़ातिल आया
दीन ओ दुनिया से गया तू ये समझ ले ऐ 'दाग़'
ग़ज़ब आया अगर उस बुत पे तिरा दिल आया
minnatoñ se bhī na vo hūr-shamā.il aayā
kis jagah aañkh laḌī haa.e kahāñ dil aayā
ham na kahte the na kar ishq pashemāñ hogā
jo kiyā tū ne vo aage tire ai dil aayā
qahqahe qulqul-e-mīnā ne lagā.e kyā kyā
mujh ko mastī meñ jo ronā sar-e-mahfil aayā
qatl kī sun ke ḳhabar iid manā.ī maiñ ne
aaj jis se mujhe milnā thā gale mil aayā
tā dam-e-marg na ho vo mire dushman ko nasīb
jo mazā mujh ko ilāhī dam-e-bismil aayā
marqad-e-qais par ab tak bhī to ḳhār-e-sahrā
uñgliyoñ se ye batāte haiñ vo mahmil aayā
ganj-e-qārūñ ke sivā bhī hai adam meñ sab kuchh
haa.e duniyā meñ na is mulk kā hāsil aayā
jis ne kuchh hosh sambhālā vo javāñ qatl huā
ahd-e-pīrī na tire ahd meñ qātil aayā
diin o duniyā se gayā tū ye samajh le ai 'dāġh'
ġhazab aayā agar us but pe tirā dil aayā
منتوں سے بھی نہ وہ حور شمائل آیا
کس جگہ آنکھ لڑی ہائے کہاں دل آیا
ہم نہ کہتے تھے نہ کر عشق پشیماں ہوگا
جو کیا تو نے وہ آگے ترے اے دل آیا
قہقہے قلقل مینا نے لگائے کیا کیا
مجھ کو مستی میں جو رونا سر محفل آیا
قتل کی سن کے خبر عید منائی میں نے
آج جس سے مجھے ملنا تھا گلے مل آیا
تا دم مرگ نہ ہو وہ مرے دشمن کو نصیب
جو مزا مجھ کو الٰہی دم بسمل آیا
مرقد قیس پر اب تک بھی تو خار صحرا
انگلیوں سے یہ بتاتے ہیں وہ محمل آیا
گنج قاروں کے سوا بھی ہے عدم میں سب کچھ
ہائے دنیا میں نہ اس ملک کا حاصل آیا
جس نے کچھ ہوش سنبھالا وہ جواں قتل ہوا
عہد پیری نہ ترے عہد میں قاتل آیا
دین و دنیا سے گیا تو یہ سمجھ لے اے داغؔ
غضب آیا اگر اس بت پہ ترا دل آیا