मिलते ही बेबाक थी वो आँख शर्माई हुई
फिर गई पछता के पलकों तक हया आई हुई
हर अदा मस्ताना सर से पाँव तक छाई हुई
उफ़ तिरी काफ़िर जवानी जोश पर आई हुई
मुझ को ये दा'वा कोई तेरे सिवा दिल में नहीं
उस का ये इल्ज़ाम अच्छी क़ैद-ए-तन्हाई हुई
भोले बन कर उन के मुँह से सुन लिया हाल-ए-रक़ीब
उम्र-भर में एक ही तो हम से दानाई हुई
बोसा ले कर जान डाली ग़ैर की तस्वीर में
ये नया ए'जाज़ ये अच्छी मसीहाई हुई
देख कर क़ातिल की आमद 'दाग़' दिल में शाद शाद
और ग़म-ख़्वारों के मुँह पर मुर्दनी छाई हुई
milte hī bebāk thī vo aañkh sharmā.ī huī
phir ga.ī pachhtā ke palkoñ tak hayā aa.ī huī
har adā mastāna sar se paañv tak chhā.ī huī
uf tirī kāfir javānī josh par aa.ī huī
mujh ko ye da.avā koī tere sivā dil meñ nahīñ
us kā ye ilzām achchhī qaid-e-tanhā.ī huī
bhole ban kar un ke muñh se sun liyā hāl-e-raqīb
umr-bhar meñ ek hī to ham se dānā.ī huī
bosa le kar jaan Daalī ġhair kī tasvīr meñ
ye nayā e.ajāz ye achchhī masīhā.ī huī
dekh kar qātil kī aamad 'dāġh' dil meñ shaad shaad
aur ġham-ḳhvāroñ ke muñh par murdanī chhā.ī huī
ملتے ہی بے باک تھی وہ آنکھ شرمائی ہوئی
پھر گئی پچھتا کے پلکوں تک حیا آئی ہوئی
ہر ادا مستانہ سر سے پاؤں تک چھائی ہوئی
اف تری کافر جوانی جوش پر آئی ہوئی
مجھ کو یہ دعویٰ کوئی تیرے سوا دل میں نہیں
اس کا یہ الزام اچھی قید تنہائی ہوئی
بھولے بن کر ان کے منہ سے سن لیا حال رقیب
عمر بھر میں ایک ہی تو ہم سے دانائی ہوئی
بوسہ لے کر جان ڈالی غیر کی تصویر میں
یہ نیا اعجاز یہ اچھی مسیحائی ہوئی
دیکھ کر قاتل کی آمد داغؔ دل میں شاد شاد
اور غم خواروں کے منہ پر مردنی چھائی ہوئی