मिले ग़ैरों से मुझ को रंज ओ ग़म यूँ भी है और यूँ भी
वफ़ा-दुश्मन जफ़ा-जू का सितम यूँ भी है और यूँ भी
कहीं वामिक़ कहीं मजनूँ रक़म यूँ भी है और यूँ भी
हमारे नाम पर चलता क़लम यूँ भी है और यूँ भी
शब-ए-वादा वो आ जाएँ न आएँ मुझ को बुलवा लें
इनायत यूँ भी है और यूँ भी करम यूँ भी है और यूँ भी
उदू लिक्खे मुझे नामा तुम्हारी मोहर उस का ख़त
जफ़ा यूँ भी है और यूँ भी सितम यूँ भी है और यूँ भी
न ख़ुद आएँ न बुलवाएँ शिकायत क्यूँ न लिख भेजूँ
इनायत की नज़र मुझ पर करम यूँ भी है और यूँ भी
ये मस्जिद है ये मय-ख़ाना तअज्जुब इस पर आता है
जनाब-ए-शैख़ का नक़्श-ए-क़दम यूँ भी है और यूँ भी
तुझे नव्वाब भी कहते हैं शाइर भी समझते हैं
ज़माने में तिरा 'साइल' भरम यूँ भी है और यूँ भी
mile ġhairoñ se mujh ko ranj o ġham yuuñ bhī hai aur yuuñ bhī
vafā-dushman jafā-jū kā sitam yuuñ bhī hai aur yuuñ bhī
kahīñ vāmiq kahīñ majnūñ raqam yuuñ bhī hai aur yuuñ bhī
hamāre naam par chaltā qalam yuuñ bhī hai aur yuuñ bhī
shab-e-vāda vo aa jaa.eñ na aa.eñ mujh ko bulvā leñ
ināyat yuuñ bhī hai aur yuuñ bhī karam yuuñ bhī hai aur yuuñ bhī
udū likkhe mujhe naama tumhārī mohr us kā ḳhat
jafā yuuñ bhī hai aur yuuñ bhī sitam yuuñ bhī hai aur yuuñ bhī
na ḳhud aa.eñ na bulvā.eñ shikāyat kyuuñ na likh bhejūñ
ināyat kī nazar mujh par karam yuuñ bhī hai aur yuuñ bhī
ye masjid hai ye mai-ḳhāna ta.ajjub is par aatā hai
janāb-e-shaiḳh kā naqsh-e-qadam yuuñ bhī hai aur yuuñ bhī
tujhe navvāb bhī kahte haiñ shā.ir bhī samajhte haiñ
zamāne meñ tirā 'sā.el' bharam yuuñ bhī hai aur yuuñ bhī
ملے غیروں سے مجھ کو رنج و غم یوں بھی ہے اور یوں بھی
وفا دشمن جفا جو کا ستم یوں بھی ہے اور یوں بھی
کہیں وامق کہیں مجنوں رقم یوں بھی ہے اور یوں بھی
ہمارے نام پر چلتا قلم یوں بھی ہے اور یوں بھی
شب وعدہ وہ آ جائیں نہ آئیں مجھ کو بلوا لیں
عنایت یوں بھی ہے اور یوں بھی کرم یوں بھی ہے اور یوں بھی
عدو لکھے مجھے نامہ تمہاری مہر اس کا خط
جفا یوں بھی ہے اور یوں بھی ستم یوں بھی ہے اور یوں بھی
نہ خود آئیں نہ بلوائیں شکایت کیوں نہ لکھ بھیجوں
عنایت کی نظر مجھ پر کرم یوں بھی ہے اور یوں بھی
یہ مسجد ہے یہ مے خانہ تعجب اس پر آتا ہے
جناب شیخ کا نقش قدم یوں بھی ہے اور یوں بھی
تجھے نواب بھی کہتے ہیں شاعر بھی سمجھتے ہیں
زمانے میں ترا سائلؔ بھرم یوں بھی ہے اور یوں بھی