मेरी वहशत का जो अफ़्साना बनाया होता
सुनने वालों को भी दीवाना बनाया होता
उन के लाने की न सूझी तुझे क़ासिद तदबीर
झूट सच कोई तो अफ़्साना बनाया होता
देखते तुम कि सँवर जाते न गेसू कैसे
मेरी पलकों का अगर शाना बनाया होता
मर के भी रूह न पीने को तरसती साक़ी
मेरी मिट्टी से जो पैमाना बनाया होता
तुम ने ज़ुल्फ़ों को बना कर हमें दीवाना किया
क्या बिगड़ता था तुम्हारा न बनाया होता
दिल जो वाइज़ का बनाया था इलाही पत्थर
काश संग-ए-दर-ए-मय-ख़ाना बनाया होता
दिल-ए-वहशी जो छुटा मुझ से बहुत ख़ूब हुआ
वर्ना अब तक मुझे दीवाना बनाया होता
वुसअत-ए-दिल जो कोई पीर-ए-मुग़ाँ दिखलाया
एक इक जाम को मय-ख़ाना बनाया होता
मुँह से आँचल जो हटाता वो सर-ए-बज़्म 'जलील'
ब-ख़ुदा शम्अ को परवाना बनाया होता
merī vahshat kā jo afsāna banāyā hotā
sunñe vāloñ ko bhī dīvāna banāyā hotā
un ke laane kī na sūjhī tujhe qāsid tadbīr
jhuuT sach koī to afsāna banāyā hotā
dekhte tum ki sañvar jaate na gesū kaise
merī palkoñ kā agar shāna banāyā hotā
mar ke bhī ruuh na piine ko tarastī saaqī
merī miTTī se jo paimāna banāyā hotā
tum ne zulfoñ ko banā kar hameñ dīvāna kiyā
kyā bigaḌtā thā tumhārā na banāyā hotā
dil jo vaa.iz kā banāyā thā ilāhī patthar
kaash sañg-e-dar-e-mai-ḳhāna banāyā hotā
dil-e-vahshī jo chhuTā mujh se bahut ḳhuub huā
varna ab tak mujhe dīvāna banāyā hotā
vus.at-e-dil jo koī pīr-e-muġhāñ dikhlāyā
ek ik jaam ko mai-ḳhāna banāyā hotā
muñh se āñchal jo haTātā vo sar-e-bazm 'jalīl'
ba-ḳhudā sham.a ko parvāna banāyā hotā
میری وحشت کا جو افسانہ بنایا ہوتا
سننے والوں کو بھی دیوانہ بنایا ہوتا
ان کے لانے کی نہ سوجھی تجھے قاصد تدبیر
جھوٹ سچ کوئی تو افسانہ بنایا ہوتا
دیکھتے تم کہ سنور جاتے نہ گیسو کیسے
میری پلکوں کا اگر شانہ بنایا ہوتا
مر کے بھی روح نہ پینے کو ترستی ساقی
میری مٹی سے جو پیمانہ بنایا ہوتا
تم نے زلفوں کو بنا کر ہمیں دیوانہ کیا
کیا بگڑتا تھا تمہارا نہ بنایا ہوتا
دل جو واعظ کا بنایا تھا الٰہی پتھر
کاش سنگ در مے خانہ بنایا ہوتا
دل وحشی جو چھٹا مجھ سے بہت خوب ہوا
ورنہ اب تک مجھے دیوانہ بنایا ہوتا
وسعت دل جو کوئی پیر مغاں دکھلایا
ایک اک جام کو مے خانہ بنایا ہوتا
منہ سے آنچل جو ہٹاتا وہ سر بزم جلیلؔ
بہ خدا شمع کو پروانہ بنایا ہوتا