मेरे ही दम से मेह्र-ओ-वफ़ा का निशाँ है अब
तुझ सा अगर नहीं है तो मुझ सा कहाँ है अब
इस हाल को पहुँच गईं दिल की ख़राबियाँ
तेरा मकाँ है अब न ख़ुदा का मकाँ है अब
जाती है आधी रात मगर इस का क्या जवाब
घबरा के वो ये कहते हैं वक़्त-ए-अज़ाँ है अब
सीने से मेरे दस्त-ए-तसल्ली उठाइए
ये भी दिल-ए-नहीफ़ को बार-ए-गराँ है अब
देखो ज़रा सी शर्म ने सब कुछ मिटा दिया
वो आँख वो निगाह वो चितवन कहाँ है अब
क्या लुत्फ़-ए-दोस्ती कि नहीं लुत्फ़-ए-दुश्मनी
दुश्मन को भी जो देखिए पूरा कहाँ है अब
तुम को यक़ीं नहीं तो न हो इस का क्या इलाज
कम-बख़्त 'दाग़' तुम से बहुत बद-गुमाँ है अब
mere hī dam se mehr-o-vafā kā nishāñ hai ab
tujh sā agar nahīñ hai to mujh sā kahāñ hai ab
is haal ko pahuñch ga.iiñ dil kī ḳharābiyāñ
terā makāñ hai ab na ḳhudā kā makāñ hai ab
jaatī hai aadhī raat magar is kā kyā javāb
ghabrā ke vo ye kahte haiñ vaqt-e-azāñ hai ab
siine se mere dast-e-tasallī uThā.iye
ye bhī dil-e-nahīf ko bār-e-garāñ hai ab
dekho zarā sī sharm ne sab kuchh miTā diyā
vo aañkh vo nigāh vo chitvan kahāñ hai ab
kyā lutf-e-dostī ki nahīñ lutf-e-dushmanī
dushman ko bhī jo dekhiye puurā kahāñ hai ab
tum ko yaqīñ nahīñ to na ho is kā kyā ilaaj
kam-baḳht 'dāġh' tum se bahut bad-gumāñ hai ab
میرے ہی دم سے مہر و وفا کا نشاں ہے اب
تجھ سا اگر نہیں ہے تو مجھ سا کہاں ہے اب
اس حال کو پہنچ گئیں دل کی خرابیاں
تیرا مکاں ہے اب نہ خدا کا مکاں ہے اب
جاتی ہے آدھی رات مگر اس کا کیا جواب
گھبرا کے وہ یہ کہتے ہیں وقت اذاں ہے اب
سینے سے میرے دست تسلی اٹھائیے
یہ بھی دل نحیف کو بار گراں ہے اب
دیکھو ذرا سی شرم نے سب کچھ مٹا دیا
وہ آنکھ وہ نگاہ وہ چتون کہاں ہے اب
کیا لطف دوستی کہ نہیں لطف دشمنی
دشمن کو بھی جو دیکھیے پورا کہاں ہے اب
تم کو یقیں نہیں تو نہ ہو اس کا کیا علاج
کم بخت داغؔ تم سے بہت بد گماں ہے اب