मज़े लूँ दर्द के मैं थोड़े थोड़े ज़ुल्म सह-सह कर
सितम कीजे तो थम थम कर जफ़ा कीजे तो रह-रह कर
मिले थे आज मुद्दत में बहुत रोए बहुत तड़पे
वो दर्द-ए-इश्क़ सुन सुन कर हम अपना दर्द कह-कह कर
हुई है शम-ए-महफ़िल तो शरीक-ए-गिर्या-ए-आशिक़
तुझे ऐ क़ुलक़ुल-ए-मीना कहा था किस ने क़ह-क़ह कर
छुपाया ज़ुल्फ़ ने चेहरा तो शोख़ी ने किया ज़ाहिर
हज़ारों बार निकला वस्ल की शब चाँद गह-गह कर
तड़पने में मज़ा आता है उस कम-बख़्त के हम को
अगर दिल यास से बैठा उभारा हम ने कह-कह कर
ये जाना था न आएँगे तो क्यों जाने दिया उन को
यही ऐ 'दाग़' पछतावा मुझे आता है रह-रह कर
maze luuñ dard ke maiñ thoḌe thoḌe zulm sah-sah kar
sitam kiije to tham tham kar jafā kiije to rah-rah kar
mile the aaj muddat meñ bahut ro.e bahut taḌpe
vo dard-e-ishq sun sun kar ham apnā dard kah-kah kar
huī hai sham-e-mahfil to sharīk-e-girya-e-āshiq
tujhe ai qulqul-e-mīnā kahā thā kis ne qah-qah kar
chhupāyā zulf ne chehra to shoḳhī ne kiyā zāhir
hazāroñ baar niklā vasl kī shab chāñd gah-gah kar
taḌapne meñ maza aatā hai us kam-baḳht ke ham ko
agar dil yaas se baiThā ubhārā ham ne kah-kah kar
ye jaanā thā na ā.eñge to kyoñ jaane diyā un ko
yahī ai 'dāġh' pachhtāvā mujhe aatā hai rah-rah kar
مزے لوں درد کے میں تھوڑے تھوڑے ظلم سہ سہ کر
ستم کیجے تو تھم تھم کر جفا کیجے تو رہ رہ کر
ملے تھے آج مدت میں بہت روئے بہت تڑپے
وہ درد عشق سن سن کر ہم اپنا درد کہہ کہہ کر
ہوئی ہے شمع محفل تو شریک گریۂ عاشق
تجھے اے قلقل مینا کہا تھا کس نے قہہ قہہ کر
چھپایا زلف نے چہرہ تو شوخی نے کیا ظاہر
ہزاروں بار نکلا وصل کی شب چاند گہہ گہہ کر
تڑپنے میں مزہ آتا ہے اس کم بخت کے ہم کو
اگر دل یاس سے بیٹھا ابھارا ہم نے کہہ کہہ کر
یہ جانا تھا نہ آئیں گے تو کیوں جانے دیا ان کو
یہی اے داغؔ پچھتاوا مجھے آتا ہے رہ رہ کر