मज़ा गुनाह का जब था कि बा-वज़ू करते
बुतों को सज्दा भी करते तो क़िबला-रू करते
कभी न परवरिश-ए-नख़्ल-ए-आरज़ू करते
नुमू से पहले जो अंदेशा-ए-नुमू करते
सुनें न दिल से तो फिर क्या पड़ी थी ख़ारों को
कि गुल को महरम-ए-अंजाम-ए-रंग-ओ-बू करते
गुनाह था भी तो कैसा गुनाह-बे-लज़्ज़त
क़फ़स में बैठ के क्या याद-ए-रंग-ओ-बू करते
बहाना चाहती थी मौत बस न था अपना
कि मेज़बानी-ए-मेहमान-ए-हीला-ए-जु करते
दलील-ए-राह दिल-ए-शब चराग़ था तन्हा
बुलंद-ओ-पस्त में गुज़री है जुस्तुजू करते
अज़ल से जो कशिश-ए-मरकज़ी के थे पाबंद
हवा की तरह वो क्या सैर चार-सू करते
फ़लक ने भूल-भुलय्यों में डाल रक्खा था
हम उन को ढूँडते या अपनी जुस्तुजू करते
असीर-ए-हाल न मुर्दों में हैं न ज़िंदों में
ज़बान कटती है आपस में गुफ़्तुगू करते
पनाह मिलती न उम्मीद-ए-बे-वफ़ा को कहीं
हवस-नसीब अगर तर्क-ए-आरज़ू करते
maza gunāh kā jab thā ki bā-vazū karte
butoñ ko sajda bhī karte to qibla-rū karte
kabhī na parvarish-e-naḳhl-e-ārzū karte
numū se pahle jo andesha-e-numū karte
suneñ na dil se to phir kyā paḌī thī ḳhāroñ ko
ki gul ko mahram-e-anjām-e-rañg-o-bū karte
gunāh thā bhī to kaisā gunāh-be-lazzat
qafas meñ baiTh ke kyā yād-e-rañg-o-bū karte
bahāna chāhtī thī maut bas na thā apnā
ki mezbānī-e-mehmān-e-hīla-e-jū karte
dalīl-e-rāh dil-e-shab charāġh thā tanhā
buland-o-past meñ guzrī hai justujū karte
azal se jo kashish-e-markazī ke the pāband
havā kī tarah vo kyā sair chār-sū karte
falak ne bhūl-bhulayyoñ meñ Daal rakkhā thā
ham un ko DhūñDte yā apnī justujū karte
asīr-e-hāl na murdoñ meñ haiñ na zindoñ meñ
zabān kaTtī hai aapas meñ guftugū karte
panāh miltī na ummīd-e-be-vafā ko kahīñ
havas-nasīb agar tark-e-ārzū karte
مزہ گناہ کا جب تھا کہ با وضو کرتے
بتوں کو سجدہ بھی کرتے تو قبلہ رو کرتے
کبھی نہ پرورش نخل آرزو کرتے
نمو سے پہلے جو اندیشۂ نمو کرتے
سنیں نہ دل سے تو پھر کیا پڑی تھی خاروں کو
کہ گل کو محرم انجام رنگ و بو کرتے
گناہ تھا بھی تو کیسا گناہ بے لذت
قفس میں بیٹھ کے کیا یاد رنگ و بو کرتے
بہانہ چاہتی تھی موت بس نہ تھا اپنا
کہ میزبانیٔ مہمان حیلہ جو کرتے
دلیل راہ دل شب چراغ تھا تنہا
بلند و پست میں گزری ہے جستجو کرتے
ازل سے جو کشش مرکزی کے تھے پابند
ہوا کی طرح وہ کیا سیر چار سو کرتے
فلک نے بھول بھلیوں میں ڈال رکھا تھا
ہم ان کو ڈھونڈتے یا اپنی جستجو کرتے
اسیر حال نہ مردوں میں ہیں نہ زندوں میں
زبان کٹتی ہے آپس میں گفتگو کرتے
پناہ ملتی نہ امید بے وفا کو کہیں
ہوس نصیب اگر ترک آرزو کرتے