मता'-ए-हुस्न-ए-‘ऐश-ए-जावेदाँ मा'लूम होती है
तिरी रौनक़ बहार-ए-बे-ख़िज़ाँ मा'लूम होती है
ज़बान-ए-'इश्क़ चुप है राज़-ए-उल्फ़त आश्कारा है
ख़मोशी तर्जुमान-ए-बे-ज़बाँ मा'लूम होती है
ग़म-ए-दुनिया-ओ-दीं से दिल को इस ने कर दिया फ़ारिग़
तिरी उल्फ़त अनीस-ए-बे-कसाँ मा'लूम होती है
ख़ुशी के चंद दिन थे जो ख़ुशी में कट गए लेकिन
हयात-ए-ग़म हयात-ए-जावेदाँ मा'लूम होती है
कभी जो आरज़ू नक़्श-ओ-निगार-ए-लौहा-ए-दिल थी
वही सीने पे अब संग-ए-गिराँ मा'लूम होती है
अभी है दूर सरहद लज़्ज़त-ए-दर्द-ए-निहानी की
अभी तो लज़्ज़त-ए-दर्द-ए-निहाँ मा'लूम होती है
भरे आते हैं आँसू सुन के हाल-ए-गिर्या-ए-बुलबुल
अरे दिल ये तो अपनी दास्ताँ मा'लूम होती है
हुजूम-ए-ग़म की दिल पर आज-कल ऐसी कशाकश है
मता'-ए-ज़िंदगी बार-ए-गराँ मा'लूम होती है
ये डर है राज़-ए-दिल इफ़्शा न हो जाए कहीं या-रब
निगाह-ए-यार अब कुछ मेहरबाँ मा'लूम होती है
ख़ुदा मा'लूम कितने और कैसे ग़म उठाए हैं
हँसी भी दर्द-मंदों की फ़ुग़ाँ मा'लूम होती है
किया इंकार भी उस ने तो उम्मीदें बढ़ीं दिल की
ये उस की शोख़ी-ए-हुस्न-ए-बयाँ मा'लूम होती है
ज़बाँ पर हाल-ए-दिल आए 'जलील' इस की ज़रूरत क्या
मिरी हस्ती मुजस्सम दास्ताँ मा'लूम होती है
matā'-e-husn-e-‘aish-e-jāvedāñ mā'lūm hotī hai
tirī raunaq bahār-e-be-ḳhizāñ mā'lūm hotī hai
zabān-e-'ishq chup hai rāz-e-ulfat āshkārā hai
ḳhamoshī tarjumān-e-be-zabāñ mā'lūm hotī hai
ġham-e-duniyā-o-dīñ se dil ko is ne kar diyā fāriġh
tirī ulfat anīs-e-be-kasāñ mā'lūm hotī hai
ḳhushī ke chand din the jo ḳhushī meñ kaT ga.e lekin
hayāt-e-ġham hayāt-e-jāvedāñ mā'lūm hotī hai
kabhī jo aarzū naqsh-o-nigār-e-lauha-e-dil thī
vahī siine pe ab sang-e-girāñ mā'lūm hotī hai
abhī hai duur sarhad lazzat-e-dard-e-nihānī kī
abhī to lazzat-e-dard-e-nihāñ mā'lūm hotī hai
bhare aate haiñ aañsū sun ke hāl-e-girya-e-bulbul
are dil ye to apnī dāstāñ mā'lūm hotī hai
hujūm-e-ġham kī dil par āj-kal aisī kashākash hai
matā'-e-zindagī bār-e-garāñ mā'lūm hotī hai
ye Dar hai rāz-e-dil ifshā na ho jaa.e kahīñ yā-rab
nigāh-e-yār ab kuchh mehrbāñ mā'lūm hotī hai
ḳhudā mā'lūm kitne aur kaise ġham uThā.e haiñ
hañsī bhī dard-mandoñ kī fuġhāñ mā'lūm hotī hai
kiyā inkār bhī us ne to ummīdeñ baḌhīñ dil kī
ye us kī shoḳhī-e-husn-e-bayāñ mā'lūm hotī hai
zabāñ par hāl-e-dil aa.e 'jalīl' is kī zarūrat kyā
mirī hastī mujassam dāstāñ mā'lūm hotī hai
متاع حسن عیش جاوداں معلوم ہوتی ہے
تری رونق بہار بے خزاں معلوم ہوتی ہے
زبان عشق چپ ہے راز الفت آشکارا ہے
خموشی ترجمان بے زباں معلوم ہوتی ہے
غم دنیا و دیں سے دل کو اس نے کر دیا فارغ
تری الفت انیس بے کساں معلوم ہوتی ہے
خوشی کے چند دن تھے جو خوشی میں کٹ گئے لیکن
حیات غم حیات جاوداں معلوم ہوتی ہے
کبھی جو آرزو نقش و نگار لوحۂ دل تھی
وہی سینہ پہ اب سنگ گراں معلوم ہوتی ہے
ابھی ہے دور سرحد لذت درد نہانی کی
ابھی تو لذت درد نہاں معلوم ہوتی ہے
بھرے آتے ہیں آنسو سن کے حال گریۂ بلبل
ارے دل یہ تو اپنی داستاں معلوم ہوتی ہے
ہجوم غم کی دل پر آج کل ایسی کشاکش ہے
متاع زندگی بار گراں معلوم ہوتی ہے
یہ ڈر ہے راز دل افشا نہ ہو جائے کہیں یارب
نگاہ یار اب کچھ مہرباں معلوم ہوتی ہے
خدا معلوم کتنے اور کیسے غم اٹھائے ہیں
ہنسی بھی درد مندوں کی فغاں معلوم ہوتی ہے
کیا انکار بھی اس نے تو امیدیں بڑھیں دل کی
یہ اس کی شوخیٔ حسن بیاں معلوم ہوتی ہے
زباں پر حال دل آئے جلیلؔ اس کی ضرورت کیا
مری ہستی مجسم داستاں معلوم ہوتی ہے