मरने वाले ख़ूब छूटे गर्दिश-ए-अय्याम से
सो रहे हैं पाँव फैलाए हुए आराम से
और तो मतलब नहीं कुछ हम को दौर-ए-जाम से
हाँ एवज़ लेता है साक़ी गर्दिश-ए-अय्याम से
गरचे तर्क-ए-आश्नाई को ज़माना हो गया
लेकिन अब तक चौंक उठते हैं वो मेरे नाम से
इश्तियाक़-ए-मय-कशी कुछ मय-कशी से कम नहीं
हम तो साक़ी मस्त हो जाते हैं ख़ाली जाम से
मय-कदे का राज़ पर्दे ही में रहना ख़ूब था
देख साक़ी शीशा कुछ कहता है थक कर जाम से
ज़ुल्फ़-ए-सुम्बुल निकहत-ए-गुल मौज-ए-सब्ज़ा मौज-ए-आब
बाग़ में कोई जगह ख़ाली न देखी दाम से
हम फ़क़ीर-ए-मय-कदा साक़ी हमें क्या चाहिए
है वही काफ़ी छलक जाती है जितनी जाम से
बे-निशाँ तुझ को समझ कर सब्र आ जाता मुझे
पर ये मुश्किल है कि मैं वाक़िफ़ हूँ तेरे नाम से
क्या ख़ुदा की शान है जिन का वज़ीफ़ा था 'जलील'
आज वो कहते हैं मैं वाक़िफ़ नहीं इस नाम से
marne vaale ḳhuub chhūTe gardish-e-ayyām se
so rahe haiñ paañv phailā.e hue ārām se
aur to matlab nahīñ kuchh ham ko daur-e-jām se
haañ evaz letā hai saaqī gardish-e-ayyām se
garche tark-e-āshnā.ī ko zamāna ho gayā
lekin ab tak chauñk uThte haiñ vo mere naam se
ishtiyāq-e-mai-kashī kuchh mai-kashī se kam nahīñ
ham to saaqī mast ho jaate haiñ ḳhālī jaam se
mai-kade kā raaz parde hī meñ rahnā ḳhuub thā
dekh saaqī shīsha kuchh kahtā hai thak kar jaam se
zulf-e-sumbul nik.hat-e-gul mauj-e-sabza mauj-e-āb
baaġh meñ koī jagah ḳhālī na dekhī daam se
ham faqīr-e-mai-kada saaqī hameñ kyā chāhiye
hai vahī kaafī chhalak jaatī hai jitnī jaam se
be-nishāñ tujh ko samajh kar sabr aa jaatā mujhe
par ye mushkil hai ki maiñ vāqif huuñ tere naam se
kyā ḳhudā kī shaan hai jin kā vazīfa thā 'jalīl'
aaj vo kahte haiñ maiñ vāqif nahīñ is naam se
مرنے والے خوب چھوٹے گردش ایام سے
سو رہے ہیں پاؤں پھیلائے ہوئے آرام سے
اور تو مطلب نہیں کچھ ہم کو دور جام سے
ہاں عوض لیتا ہے ساقی گردش ایام سے
گرچہ ترک آشنائی کو زمانہ ہو گیا
لیکن اب تک چونک اٹھتے ہیں وہ میرے نام سے
اشتیاق مے کشی کچھ مے کشی سے کم نہیں
ہم تو ساقی مست ہو جاتے ہیں خالی جام سے
مے کدے کا راز پردے ہی میں رہنا خوب تھا
دیکھ ساقی شیشہ کچھ کہتا ہے تھک کر جام سے
زلف سنبل نکہت گل موج سبزہ موج آب
باغ میں کوئی جگہ خالی نہ دیکھی دام سے
ہم فقیر مے کدہ ساقی ہمیں کیا چاہیئے
ہے وہی کافی چھلک جاتی ہے جتنی جام سے
بے نشاں تجھ کو سمجھ کر صبر آ جاتا مجھے
پر یہ مشکل ہے کہ میں واقف ہوں تیرے نام سے
کیا خدا کی شان ہے جن کا وظیفہ تھا جلیلؔ
آج وہ کہتے ہیں میں واقف نہیں اس نام سے