मजाल किस की है ऐ सितमगर सुनाए तुझ को जो चार बातें
भला किया ए'तिबार तू ने हज़ार मुँह हैं हज़ार बातें
जो कैफ़ियत देखनी है ज़ाहिद तो चल के तू देख मय-कदे में
बहक बहक कर मज़े मज़े की सुनाएँगे बादा-ख़्वार बातें
फ़साना-ए-दर्द-ओ-ग़म सुनाया तो बोले वो झूठ बोलता है
सुनी हुई है बहुत कहानी न हम से ऐसी बघार बातें
अभी से है कुछ उदास क़ासिद अभी से है बद-हवास क़ासिद
सँभल सँभल कर समझ समझ कर करेगा क्या बे-क़रार बातें
तुम्हारी तहरीर में है पहलू तुम्हारी तक़रीर में है जादू
फँसे न किस तरह दिल हमारा जहाँ हों ये पेचदार बातें
बुरी बला है ये 'दाग़'-ए-पुर-फ़न तुम इस को हरगिज़ न मुँह लगाना
वगर्ना ढब पर लगा ही लेगा सुनीं अगर उस की चार बातें
majāl kis kī hai ai sitamgar sunā.e tujh ko jo chaar bāteñ
bhalā kiyā e.atibār tū ne hazār muñh haiñ hazār bāteñ
jo kaifiyat dekhnī hai zāhid to chal ke tū dekh mai-kade meñ
bahak bahak kar maze maze kī sunā.eñge bāda-ḳhvār bāteñ
fasāna-e-dard-o-ġham sunāyā to bole vo jhūTh boltā hai
sunī huī hai bahut kahānī na ham se aisī baghār bāteñ
abhī se hai kuchh udaas qāsid abhī se hai bad-havās qāsid
sañbhal sañbhal kar samajh samajh kar karegā kyā be-qarār bāteñ
tumhārī tahrīr meñ hai pahlū tumhārī taqrīr meñ hai jaadū
phañse na kis tarah dil hamārā jahāñ hoñ ye pechdār bāteñ
burī balā hai ye 'dāġh'-e-pur-fan tum is ko hargiz na muñh lagānā
vagarna Dhab par lagā hī legā sunīñ agar us kī chaar bāteñ
مجال کس کی ہے اے ستم گر سنائے تجھ کو جو چار باتیں
بھلا کیا اعتبار تو نے ہزار منہ ہیں ہزار باتیں
جو کیفیت دیکھنی ہے زاہد تو چل کے تو دیکھ میکدے میں
بہک بہک کر مزے مزے کی سنائیں گے بادہ خوار باتیں
فسانۂ درد و غم سنایا تو بولے وہ جھوٹ بولتا ہے
سنی ہوئی ہے بہت کہانی نہ ہم سے ایسی بگھار باتیں
ابھی سے ہے کچھ اداس قاصد ابھی سے ہے بد حواس قاصد
سنبھل سنبھل کر سمجھ سمجھ کر کرے گا کیا بے قرار باتیں
تمہاری تحریر میں ہے پہلو تمہاری تقریر میں ہے جادو
پھنسے نہ کس طرح دل ہمارا جہاں ہوں یہ پیچ دار باتیں
بری بلا ہے یہ داغؔ پر فن تم اس کو ہرگز نہ منہ لگانا
وگرنہ ڈھب پر لگا ہی لے گا سنیں اگر اس کی چار باتیں