मैं यूँ तो हँस दिया था सफ़र के सवाल पर
दिल काँपता था ख़ौफ़ के ख़ाली ख़याल पर
कैसी कसी हुई थी कमाँ आब-ओ-रंग की
क्या 'अक्स पड़ रहा था चमकदार ढाल पर
तुक्मे खुले हुए किसी काली क़मीज़ के
बूटे बने हुए किसी बे-रंग शाल पर
बुझती हुई शफ़क़ थी वही सब्ज़ आँख में
जलता हुआ दिया था वही ज़र्द गाल पर
गोया अभी वो ख़ाक की ख़ुशबू में मस्त है
गोया पड़ी नहीं है नज़र उस की जाल पर
ख़ुद भी वो ख़ूब चौकस-ओ-चालाक है 'ज़फ़र'
मुद्दत से आप की है नज़र जिस के माल पर
maiñ yuuñ to hañs diyā thā safar ke savāl par
dil kāñptā thā ḳhauf ke ḳhālī ḳhayāl par
kaisī kasī huī thī kamāñ āb-o-rang kī
kyā 'aks paḌ rahā thā chamakdār Dhaal par
tukme khule hue kisī kaalī qamīz ke
buuTe bane hue kisī be-rang shawl par
bujhtī huī shafaq thī vahī sabz aañkh meñ
jaltā huā diyā thā vahī zard gaal par
goyā abhī vo ḳhaak kī ḳhushbū meñ mast hai
goyā paḌī nahīñ hai nazar us kī jaal par
ḳhud bhī vo ḳhuub chaukas-o-chālāk hai 'zafar'
muddat se aap kī hai nazar jis ke maal par
میں یوں تو ہنس دیا تھا سفر کے سوال پر
دل کانپتا تھا خوف کے خالی خیال پر
کیسی کسی ہوئی تھی کماں آب و رنگ کی
کیا عکس پڑ رہا تھا چمکدار ڈھال پر
تکمے کھلے ہوئے کسی کالی قمیض کے
بوٹے بنے ہوئے کسی بے رنگ شال پر
بجھتی ہوئی شفق تھی وہی سبز آنکھ میں
جلتا ہوا دیا تھا وہی زرد گال پر
گویا ابھی وہ خاک کی خوشبو میں مست ہے
گویا پڑی نہیں ہے نظر اس کی جال پر
خود بھی وہ خوب چوکس و چالاک ہے ظفرؔ
مدت سے آپ کی ہے نظر جس کے مال پر