मैं पहली बार इस जंगल से गुज़रा था तो सब ऐसा नहीं था
यहाँ कुछ कुछ परिंदे बोलने वाले थे सन्नाटा नहीं था
मोहब्बत ने मुझे क़ैद-ए-अनासिर से बहुत आगे बुलाया
मगर मैं अपनी मिट्टी के शिकंजे से निकल पाया नहीं था
ये तू ने किस लिए आँचल पे ताज़ा ख़्वाहिशों के फूल काढ़े
तिरे पल्लू से क्या बाँधा हुआ वो रेशमी वा'दा नहीं था
ब-क़द्र-ए-आरज़ू मेरा समुंदर से त'अल्लुक़ था न लेकिन
मैं उथले पानियों से अपना रिश्ता जोड़ने वाला नहीं था
मिरी तक़दीर में कुछ सरफ़राज़ी के हरे लम्हे लिखे थे
नुमू पाते ही जो पामाल हो जाए मैं वो सब्ज़ा नहीं था
ख़मोशी बर्फ़ की मानिंद होंटों पर जमी रहती थी 'यावर'
गुलाबी लफ़्ज़ के बाहर निकलने का कोई रस्ता नहीं था
maiñ pahlī baar is jangal se guzrā thā to sab aisā nahīñ thā
yahāñ kuchh kuchh parinde bolne vaale the sannāTā nahīñ thā
mohabbat ne mujhe qaid-e-anāsir se bahut aage bulāyā
magar maiñ apnī miTTī ke shikanje se nikal paayā nahīñ thā
ye tū ne kis liye āñchal pe taaza ḳhvāhishoñ ke phuul kāḌhe
tire pallū se kyā bāñdhā huā vo reshmī vā'da nahīñ thā
ba-qadr-e-ārzū merā samundar se ta'alluq thā na lekin
maiñ uthle pāniyoñ se apnā rishta joḌne vaalā nahīñ thā
mirī taqdīr meñ kuchh sarfarāzī ke hare lamhe likhe the
numū paate hī jo pāmāl ho jaa.e maiñ vo sabza nahīñ thā
ḳhamoshī barf kī mānind hoñToñ par jamī rahtī thī 'yāvar'
gulābī lafz ke bāhar nikalne kā koī rasta nahīñ thā
میں پہلی بار اس جنگل سے گزرا تھا تو سب ایسا نہیں تھا
یہاں کچھ کچھ پرندے بولنے والے تھے سناٹا نہیں تھا
محبت نے مجھے قید عناصر سے بہت آگے بلایا
مگر میں اپنی مٹی کے شکنجے سے نکل پایا نہیں تھا
یہ تو نے کس لیے آنچل پہ تازہ خواہشوں کے پھول کاڑھے
ترے پلو سے کیا باندھا ہوا وہ ریشمی وعدہ نہیں تھا
بقدر آرزو میرا سمندر سے تعلق تھا نہ لیکن
میں اتھلے پانیوں سے اپنا رشتہ جوڑنے والا نہیں تھا
مری تقدیر میں کچھ سرفرازی کے ہرے لمحے لکھے تھے
نمو پاتے ہی جو پامال ہو جائے میں وہ سبزہ نہیں تھا
خموشی برف کی مانند ہونٹوں پر جمی رہتی تھی یاورؔ
گلابی لفظ کے باہر نکلنے کا کوئی رستہ نہیں تھا