मैं ने कब दा'वा किया था सर-ब-सर बाक़ी हूँ मैं
पेश-ए-ख़िदमत हूँ तुम्हारे जिस क़दर बाक़ी हूँ मैं
मैं बहुत सा जैसे ज़ाए' हो चुका हूँ जा-ब-जा
हाथ से महसूस करता हूँ किधर बाक़ी हूँ मैं
ढूँडते हैं अब जहाँ मेरा निशाँ तक भी नहीं
उस तरफ़ भी देख लेना था जिधर बाक़ी हूँ मैं
मेरी तफ़सीलात में जाने का मौक़ा' अब कहाँ
अब तो आसाँ है समझना मुख़्तसर बाक़ी हूँ मैं
दिन चढ़े होना न होना एक सा रह जाएगा
ये भी क्या कम है कि अब से रात भर बाक़ी हूँ मैं
ख़र्च सारा हो चुका हूँ और दुनिया में कहीं
कुछ अगर हूँ भी तो ख़ुद से बे-ख़बर बाक़ी हूँ मैं
मैं किसी काम आ भी सकता हूँ अगर समझे कोई
आज भी ख़स-ख़ाना-ए-दिल में शरर बाक़ी हूँ मैं
मैं अगर बाक़ी नहीं हूँ तो भी है किस को ग़रज़
और है पर्वा यहाँ किस को अगर बाक़ी हूँ मैं
कुछ भी हो बे-सूद है मुझ से सफ़र करना 'ज़फ़र'
जो कहीं जाती नहीं वो रह-गुज़र बाक़ी हूँ मैं
maiñ ne kab dā'vā kiyā thā sar-ba-sar baaqī huuñ maiñ
pesh-e-ḳhidmat huuñ tumhāre jis qadar baaqī huuñ maiñ
maiñ bahut sā jaise zaa.e' ho chukā huuñ jā-ba-jā
haath se mahsūs kartā huuñ kidhar baaqī huuñ maiñ
DhūñDte haiñ ab jahāñ merā nishāñ tak bhī nahīñ
us taraf bhī dekh lenā thā jidhar baaqī huuñ maiñ
merī tafsīlāt meñ jaane kā mauqa' ab kahāñ
ab to āsāñ hai samajhnā muḳhtasar baaqī huuñ maiñ
din chaḌhe honā na honā ek sā rah jā.egā
ye bhī kyā kam hai ki ab se raat bhar baaqī huuñ maiñ
ḳharch saarā ho chukā huuñ aur duniyā meñ kahīñ
kuchh agar huuñ bhī to ḳhud se be-ḳhabar baaqī huuñ maiñ
maiñ kisī kaam aa bhī saktā huuñ agar samjhe koī
aaj bhī ḳhas-ḳhāna-e-dil meñ sharar baaqī huuñ maiñ
maiñ agar baaqī nahīñ huuñ to bhī hai kis ko ġharaz
aur hai parvā yahāñ kis ko agar baaqī huuñ maiñ
kuchh bhī ho be-sūd hai mujh se safar karnā 'zafar'
jo kahīñ jaatī nahīñ vo rah-guzar baaqī huuñ maiñ
میں نے کب دعویٰ کیا تھا سر بسر باقی ہوں میں
پیش خدمت ہوں تمہارے جس قدر باقی ہوں میں
میں بہت سا جیسے ضائع ہو چکا ہوں جا بہ جا
ہاتھ سے محسوس کرتا ہوں کدھر باقی ہوں میں
ڈھونڈتے ہیں اب جہاں میرا نشاں تک بھی نہیں
اس طرف بھی دیکھ لینا تھا جدھر باقی ہوں میں
میری تفصیلات میں جانے کا موقع اب کہاں
اب تو آساں ہے سمجھنا مختصر باقی ہوں میں
دن چڑھے ہونا نہ ہونا ایک سا رہ جائے گا
یہ بھی کیا کم ہے کہ اب سے رات بھر باقی ہوں میں
خرچ سارا ہو چکا ہوں اور دنیا میں کہیں
کچھ اگر ہوں بھی تو خود سے بے خبر باقی ہوں میں
میں کسی کام آ بھی سکتا ہوں اگر سمجھے کوئی
آج بھی خس خانۂ دل میں شرر باقی ہوں میں
میں اگر باقی نہیں ہوں تو بھی ہے کس کو غرض
اور ہے پروا یہاں کس کو اگر باقی ہوں میں
کچھ بھی ہو بے سود ہے مجھ سے سفر کرنا ظفرؔ
جو کہیں جاتی نہیں وہ رہگزر باقی ہوں میں