मैं ने भी तोहमत-ए-तकफ़ीर उठाई हुई है
एक नेकी मिरे हिस्से में भी आई हुई है
मिरे काँधों पे धरा है कोई हारा हुआ इश्क़
यही गठड़ी है जो मुद्दत से उठाई हुई है
तुम तो आए हो अभी दश्त-ए-मोहब्बत की तरफ़
मैं ने ये ख़ाक बहुत पहले उड़ाई हुई है
टूट जाऊँगा अगर मुझ को बनाया भी गया
कोई शय ऐसी मिरी जाँ में समाई हुई है
सर्द-मेहरी के इलाक़े में हूँ मसरूफ़-ए-दुआ
ज़िंदा रहने के लिए आग जलाई हुई है
क़िस्सा-गो अब तिरी चौपाल से मैं जाता हूँ
रात भी भीग चुकी नींद भी आई हुई है
maiñ ne bhī tohmat-e-takfīr uThā.ī huī hai
ek nekī mire hisse meñ bhī aa.ī huī hai
mire kāñdhoñ pe dharā hai koī haarā huā ishq
yahī gaThḌī hai jo muddat se uThā.ī huī hai
tum to aa.e ho abhī dasht-e-mohabbat kī taraf
maiñ ne ye ḳhaak bahut pahle uḌaa.ī huī hai
TuuT jā.ūñgā agar mujh ko banāyā bhī gayā
koī shai aisī mirī jaañ meñ samā.ī huī hai
sard-mehrī ke ilāqe meñ huuñ masrūf-e-duā
zinda rahne ke liye aag jalā.ī huī hai
qissa-go ab tirī chaupāl se maiñ jaatā huuñ
raat bhī bhiig chukī niiñd bhī aa.ī huī hai
میں نے بھی تہمت تکفیر اٹھائی ہوئی ہے
ایک نیکی مرے حصے میں بھی آئی ہوئی ہے
مرے کاندھوں پہ دھرا ہے کوئی ہارا ہوا عشق
یہی گٹھڑی ہے جو مدت سے اٹھائی ہوئی ہے
تم تو آئے ہو ابھی دشت محبت کی طرف
میں نے یہ خاک بہت پہلے اڑائی ہوئی ہے
ٹوٹ جاؤں گا اگر مجھ کو بنایا بھی گیا
کوئی شے ایسی مری جاں میں سمائی ہوئی ہے
سرد مہری کے علاقے میں ہوں مصروف دعا
زندہ رہنے کے لئے آگ جلائی ہوئی ہے
قصہ گو اب تری چوپال سے میں جاتا ہوں
رات بھی بھیگ چکی نیند بھی آئی ہوئی ہے