मय-ख़ाना है बिना-ए-शर-ओ-ख़ैर तो नहीं
ऐ शैख़-ओ-बरहमन हरम-ओ-दैर तो नहीं
क़ासिद को तक रहा हूँ बजाए जवाब-ए-ख़त
कम्बख़्त ये न कह दे कहीं ख़ैर तो नहीं
अपनों का शिकवा किस लिए आए ज़बान पर
अहबाब के सितम सितम-ए-ग़ैर तो नहीं
आपस में क्यूँ हैं बर-सर-ए-पैकार अहल-ए-शहर
देखो यहाँ कहीं हरम-ओ-दैर तो नहीं
ऐ शैख़ सिर्फ़ शिकवा-ए-पिंदार ज़ोहद है
वर्ना मुझे जनाब से कुछ बैर तो नहीं
महव-ए-ख़िराम ग़ुंचा-ओ-गुल देख-भाल कर
पामाली-ए-बहार है ये सैर तो नहीं
बंदा-नवाज़ आप और इज़्हार-ए-शुक्रिया
'ए'जाज़' आप का है कोई ग़ैर तो नहीं
mai-ḳhāna hai binā-e-shar-o-ḳhair to nahīñ
ai shaiḳh-o-barhaman haram-o-dair to nahīñ
qāsid ko tak rahā huuñ bajā.e javāb-e-ḳhat
kambaḳht ye na kah de kahīñ ḳhair to nahīñ
apnoñ kā shikva kis liye aa.e zabān par
ahbāb ke sitam sitam-e-ġhair to nahīñ
aapas meñ kyuuñ haiñ bar-sar-e-paikār ahl-e-shahr
dekho yahāñ kahīñ haram-o-dair to nahīñ
ai shaiḳh sirf shikva-e-pindār zohd hai
varna mujhe janāb se kuchh bair to nahīñ
mahv-e-ḳhirām ġhuncha-o-gul dekh-bhāl kar
pāmālī-e-bahār hai ye sair to nahīñ
banda-navāz aap aur izhār-e-shukriya
'e'jāz' aap kā hai koī ġhair to nahīñ
مے خانہ ہے بنائے شر و خیر تو نہیں
اے شیخ و برہمن حرم و دیر تو نہیں
قاصد کو تک رہا ہوں بجائے جواب خط
کمبخت یہ نہ کہہ دے کہیں خیر تو نہیں
اپنوں کا شکوہ کس لئے آئے زبان پر
احباب کے ستم ستم غیر تو نہیں
آپس میں کیوں ہیں بر سر پیکار اہل شہر
دیکھو یہاں کہیں حرم و دیر تو نہیں
اے شیخ صرف شکوۂ پندار زہد ہے
ورنہ مجھے جناب سے کچھ بیر تو نہیں
محو خرام غنچہ و گل دیکھ بھال کر
پامالیٔ بہار ہے یہ سیر تو نہیں
بندہ نواز آپ اور اظہار شکریہ
اعجازؔ آپ کا ہے کوئی غیر تو نہیں