कहाँ सबात-ए-ग़म-ए-दिल कहाँ सराब-ए-सुकूँ
वो ख़ुश-नसीब है मिल जाए जिस को सोज़-ए-दरूँ
ख़ुद आप देख लें क्या हाल दिल ज़बाँ से कहूँ
अभी तो हैं मिरी आँखों में चंद क़तरा-ए-ख़ूँ
ये शहर-ए-हम-नफ़साँ कितनी बार उजड़ा है
कभी न हो सका लेकिन सर-ए-हयात निगूँ
अभी तो मस्लहत-ए-वक़्त ही पे नाज़ाँ है
अभी ख़िरद को मयस्सर कहाँ मक़ाम-ए-जुनूँ
निगाह नीची किए मुन्फ़इल से बैठे हैं
अब उन से शिकवा-ए-बेदाद किस ज़बाँ से करूँ
निखार आ ही गया ख़ुश्क ख़ुश्क चेहरों पर
मिला तो गिर्या-ए-शबनम से कुछ गुलों को सुकूँ
दर-अस्ल है मिरी हस्ती की काएनात 'एजाज़'
वो इक निगाह जिसे ज़िंदगी का राज़ कहूँ
kahāñ sabāt-e-ġham-e-dil kahāñ sarāb-e-sukūñ
vo ḳhush-nasīb hai mil jaa.e jis ko soz-e-darūñ
ḳhud aap dekh leñ kyā haal dil zabāñ se kahūñ
abhī to haiñ mirī āñkhoñ meñ chand qatra-e-ḳhūñ
ye shahr-e-ham-nafasāñ kitnī baar ujḌā hai
kabhī na ho sakā lekin sar-e-hayāt nigūñ
abhī to maslahat-e-vaqt hī pe nāzāñ hai
abhī ḳhirad ko mayassar kahāñ maqām-e-junūñ
nigāh nīchī kiye munfa.il se baiThe haiñ
ab un se shikva-e-bedād kis zabāñ se karūñ
nikhār aa hī gayā ḳhushk ḳhushk chehroñ par
milā to girya-e-shabnam se kuchh guloñ ko sukūñ
dar-asl hai mirī hastī kī kā.enāt 'ejāz'
vo ik nigāh jise zindagī kā raaz kahūñ
کہاں ثبات غم دل کہاں سراب سکوں
وہ خوش نصیب ہے مل جائے جس کو سوز دروں
خود آپ دیکھ لیں کیا حال دل زباں سے کہوں
ابھی تو ہیں مری آنکھوں میں چند قطرۂ خوں
یہ شہر ہم نفساں کتنی بار اجڑا ہے
کبھی نہ ہو سکا لیکن سر حیات نگوں
ابھی تو مصلحت وقت ہی پہ نازاں ہے
ابھی خرد کو میسر کہاں مقام جنوں
نگاہ نیچی کئے منفعل سے بیٹھے ہیں
اب ان سے شکوۂ بیداد کس زباں سے کروں
نکھار آ ہی گیا خشک خشک چہروں پر
ملا تو گریۂ شبنم سے کچھ گلوں کو سکوں
دراصل ہے مری ہستی کی کائنات اعجازؔ
وہ اک نگاہ جسے زندگی کا راز کہوں