कार-ए-ख़ैर इतना तो ऐ लग़्ज़िश-ए-पा हो जाता
पाए साक़ी पे ही इक सज्दा अदा हो जाता
वो तो ये कहिए कि मजबूर है नज़्म-ए-हस्ती
वर्ना हर बंदा-ए-मग़रूर ख़ुदा हो जाता
क़ाफ़िले वाले थे महरूम-ए-बसीरत वर्ना
मेरा हर नक़्श-ए-क़दम राह-नुमा हो जाता
ग़म के मारों पे भी ऐ दावर-ए-हश्र एक नज़र
आज तो फ़ैसला-ए-अहल-ए-वफ़ा हो जाता
यूँ अँधेरों में भटकते न कभी अहल-ए-ख़िरद
कोई दीवाना अगर राह-नुमा हो जाता
दिल तिरी नीम-निगाही का तो मम्नून सही
दर्द अभी कम है ज़रा और सिवा हो जाता
लज़्ज़त-ए-ग़म से है ज़िद फ़ितरत-ए-ग़म को शायद
दर्द ही दर्द न क्यूँ दर्द दवा हो जाता
सुन के भर आता अगर उन का भी दिल ऐ 'ए'जाज़'
क़िस्सा-ए-दर्द का 'उन्वान नया हो जाता
kār-e-ḳhair itnā to ai laġhzish-e-pā ho jaatā
paa.e saaqī pe hī ik sajda adā ho jaatā
vo to ye kahiye ki majbūr hai nazm-e-hastī
varna har banda-e-maġhrūr ḳhudā ho jaatā
qāfile vaale the mahrūm-e-basīrat varna
merā har naqsh-e-qadam rāh-numā ho jaatā
ġham ke māroñ pe bhī ai dāvar-e-hashr ek nazar
aaj to faisla-e-ahl-e-vafā ho jaatā
yuuñ añdheroñ meñ bhaTakte na kabhī ahl-e-ḳhirad
koī dīvāna agar rāh-numā ho jaatā
dil tirī nīm-nigāhī kā to mamnūn sahī
dard abhī kam hai zarā aur sivā ho jaatā
lazzat-e-ġham se hai zid fitrat-e-ġham ko shāyad
dard hī dard na kyuuñ dard davā ho jaatā
sun ke bhar aatā agar un kā bhī dil ai 'e'jāz'
qissa-e-dard kā 'unvān nayā ho jaatā
کار خیر اتنا تو اے لغزش پا ہو جاتا
پائے ساقی پہ ہی اک سجدہ ادا ہو جاتا
وہ تو یہ کہئے کہ مجبور ہے نظم ہستی
ورنہ ہر بندۂ مغرور خدا ہو جاتا
قافلے والے تھے محروم بصیرت ورنہ
میرا ہر نقش قدم راہنما ہو جاتا
غم کے ماروں پہ بھی اے داور حشر ایک نظر
آج تو فیصلۂ اہل وفا ہو جاتا
یوں اندھیروں میں بھٹکتے نہ کبھی اہل خرد
کوئی دیوانہ اگر راہنما ہو جاتا
دل تری نیم نگاہی کا تو ممنون سہی
درد ابھی کم ہے ذرا اور سوا ہو جاتا
لذت غم سے ہے ضد فطرت غم کو شاید
درد ہی درد نہ کیوں درد دوا ہو جاتا
سن کے بھر آتا اگر ان کا بھی دل اے اعجازؔ
قصۂ درد کا عنوان نیا ہو جاتا