दिल बुझ गया तो गर्मी-ए-बाज़ार भी नहीं
अब ज़िक्र-ए-बादा-ओ-लब-ओ-रुख़सार भी नहीं
अपना था ख़ल्वतों में कभी परतव-ए-जमाल
क़िस्मत में अब तो साया-ए-दीवार भी नहीं
शिकवा ज़बाँ पे फूल से अहबाब का ग़लत
ऐ दोस्त मुझ को तो गिला-ए-ख़ार भी नहीं
आया न रास आप को ऐ शैख़ रोज़-ए-हश्र
और लुत्फ़ ये है आप गुनहगार भी नहीं
क़ाएम हूँ अपनी तौबा पे मैं आज भी मगर
कोई हसीं पिलाए तो इंकार भी नहीं
क्या कीजिए नुमाइश-ए-ग़म ख़ून-ए-दिल के बा'द
अब आरज़ू-ए-दीदा-ए-ख़ूँबार भी नहीं
ऐलान-ए-बे-ख़ुदी है हर इक क़तरा-ए-लहू
मेरे जुनूँ की हद रसन-ओ-दार भी नहीं
नूर-ए-सहर के नाम पे भटकें न क़ाफ़िले
दर-अस्ल अभी तो सुब्ह के आसार भी नहीं
वा'इज़ ख़याल-ए-तौबा बजा है मगर अभी
मैं तो ब-क़द्र-ए-ज़र्फ़ गुनहगार भी नहीं
dil bujh gayā to garmī-e-bāzār bhī nahīñ
ab zikr-e-bāda-o-lab-o-ruḳhsār bhī nahīñ
apnā thā ḳhalvatoñ meñ kabhī partav-e-jamāl
qismat meñ ab to sāya-e-dīvār bhī nahīñ
shikva zabāñ pe phuul se ahbāb kā ġhalat
ai dost mujh ko to gila-e-ḳhār bhī nahīñ
aayā na raas aap ko ai shaiḳh roz-e-hashr
aur lutf ye hai aap gunahgār bhī nahīñ
qaa.em huuñ apnī tauba pe maiñ aaj bhī magar
koī hasīñ pilā.e to inkār bhī nahīñ
kyā kījiye numā.ish-e-ġham ḳhūn-e-dil ke baa'd
ab ārzū-e-dīda-e-ḳhūñbār bhī nahīñ
elān-e-be-ḳhudī hai har ik qatra-e-lahū
mere junūñ kī had rasan-o-dār bhī nahīñ
nūr-e-sahar ke naam pe bhaTkeñ na qāfile
dar-asl abhī to sub.h ke āsār bhī nahīñ
vā'iz ḳhayāl-e-tauba bajā hai magar abhī
maiñ to ba-qadr-e-zarf gunahgār bhī nahīñ
دل بجھ گیا تو گرمئ بازار بھی نہیں
اب ذکر بادہ و لب و رخسار بھی نہیں
اپنا تھا خلوتوں میں کبھی پرتو جمال
قسمت میں اب تو سایۂ دیوار بھی نہیں
شکوہ زباں پہ پھول سے احباب کا غلط
اے دوست مجھ کو تو گلۂ خار بھی نہیں
آیا نہ راس آپ کو اے شیخ روز حشر
اور لطف یہ ہے آپ گنہ گار بھی نہیں
قائم ہوں اپنی توبہ پہ میں آج بھی مگر
کوئی حسیں پلائے تو انکار بھی نہیں
کیا کیجیئے نمائش غم خون دل کے بعد
اب آرزوئے دیدۂ خونبار بھی نہیں
اعلان بے خودی ہے ہر اک قطرۂ لہو
میرے جنوں کی حد رسن و دار بھی نہیں
نور سحر کے نام پہ بھٹکیں نہ قافلے
دراصل ابھی تو صبح کے آثار بھی نہیں
واعظ خیال توبہ بجا ہے مگر ابھی
میں تو بقدر ظرف گنہ گار بھی نہیں