चुप खड़े हैं दरमियान-ए-का'बा-ओ-बुत-ख़ाना हम
किस तरफ़ जाएँ बता ऐ जल्वा-ए-जानाना हम
अज़्मत-ए-रफ़्ता से इतने हो गए बेगाना हम
बन गए हैं अपनी ही नज़रों में आज अफ़्साना हम
हाए ये मजमूआ'-ए-सर-मस्ती-ओ-कैफ़-ओ-ख़ुमार
तक रहे हैं तेरी आँखों को लिए पैमाना हम
बेवफ़ा शमएँ बहर-सू ढूँढती हैं अब हमें
मिट गए जब सूरत-ए-ख़ाकिस्तर-ए-परवाना हम
हैं निगाहों में अभी तक तूर की रुस्वाइयाँ
अब कहाँ जुरअत कि देखें जल्वा-ए-जानाना हम
आरज़ू-ए-सज्दा-रेज़ी हद से बढ़ जाती है जब
सर तिरे क़दमों पे रख देते हैं बेताबाना हम
पा-ए-साक़ी तक जबीन-ए-शौक़ को पहुँचा दिया
तेरे मम्नून-ए-करम हैं लग़्ज़िश-ए-मस्ताना हम
chup khaḌe haiñ darmiyān-e-ka.abā-o-but-ḳhāna ham
kis taraf jaa.eñ batā ai jalva-e-jānāna ham
azmat-e-rafta se itne ho ga.e begāna ham
ban ga.e haiñ apnī hī nazroñ meñ aaj afsāna ham
haa.e ye majmūa-e-sar-mastī-o-kaif-o-ḳhumār
tak rahe haiñ terī āñkhoñ ko liye paimāna ham
bevafā sham.eñ bahar-sū DhūñDhtī haiñ ab hameñ
miT ga.e jab sūrat-e-ḳhākistar-e-parvāna ham
haiñ nigāhoñ meñ abhī tak tuur kī rusvā.iyāñ
ab kahāñ jur.at ki dekheñ jalva-e-jānāna ham
ārzū-e-sajda-rezī had se baḌh jaatī hai jab
sar tire qadmoñ pe rakh dete haiñ betābāna ham
pā-e-sāqī tak jabīn-e-shauq ko pahuñchā diyā
tere mamnūn-e-karam haiñ laġhzish-e-mastāna ham
چپ کھڑے ہیں درمیان کعبہ و بتخانہ ہم
کس طرف جائیں بتا اے جلوۂ جانانہ ہم
عظمت رفتہ سے اتنے ہو گئے بیگانہ ہم
بن گئے ہیں اپنی ہی نظروں میں آج افسانہ ہم
ہائے یہ مجموعۂ سر مستی و کیف و خمار
تک رہے ہیں تیری آنکھوں کو لئے پیمانہ ہم
بے وفا شمعیں بہر سو ڈھونڈھتی ہیں اب ہمیں
مٹ گئے جب صورت خاکستر پروانہ ہم
ہیں نگاہوں میں ابھی تک طور کی رسوائیاں
اب کہاں جرأت کہ دیکھیں جلوۂ جانانہ ہم
آرزوئے سجدہ ریزی حد سے بڑھ جاتی ہے جب
سر ترے قدموں پہ رکھ دیتے ہیں بیتابانہ ہم
پائے ساقی تک جبین شوق کو پہنچا دیا
تیرے ممنون کرم ہیں لغزش مستانہ ہم