किसी के शिकवा-हा-ए-जौर से वाक़िफ़ ज़बाँ क्यूँ हो
ग़म-ए-दिल आग तो लग ही चुकी लेकिन धुआँ क्यूँ हो
मोहब्बत में विसाल-ओ-हिज्र की तमईज़ क्या मा'नी
बिसात-ए-इश्क़ पर बाज़ीचा-ए-सूद-ओ-ज़ियाँ क्यूँ हो
जबीं साइल थी नादिम है मगर ऐ सज्दा-ए-आख़िर
मिरी महरूमियों से बे-तअल्लुक़ आस्ताँ क्यूँ हो
ख़ुदावंदा चमन में तो नशेमन ही नशेमन हैं
नज़र में बर्क़ की सिर्फ़ एक शाख़-ए-आशियाँ क्यूँ हो
रिवायात-ए-कुहन को अज़्म-ए-नौ ख़ातिर में क्या लाए
ज़मीर-ए-कारवाँ पाबंद-ए-मीर-ए-कारवाँ क्यूँ हो
ये माना एक आँसू है मगर ऐ सई-ए-ज़ब्त-ए-ग़म
सर-ए-मिज़्गाँ ये इक आँसू भी दिल का तर्जुमाँ क्यूँ हो
ज़माना जब भुला ही बैठा 'एजाज़'-ए-हज़ीं तुझ को
कोई अब मेहरबाँ क्यूँ हो कोई ना-मेहरबाँ क्यूँ हो
kisī ke shikva-hā-e-jaur se vāqif zabāñ kyuuñ ho
ġham-e-dil aag to lag hī chukī lekin dhuāñ kyuuñ ho
mohabbat meñ visāl-o-hijr kī tam.īz kyā ma.anī
bisāt-e-ishq par bāzīcha-e-sūd-o-ziyāñ kyuuñ ho
jabīñ saa.il thī nādim hai magar ai sajda-e-āḳhir
mirī mahrūmiyoñ se be-ta.alluq āstāñ kyuuñ ho
ḳhudāvandā chaman meñ to nasheman hī nasheman haiñ
nazar meñ barq kī sirf ek shāḳh-e-āshiyāñ kyuuñ ho
rivāyāt-e-kuhan ko azm-e-nau ḳhātir meñ kyā laa.e
zamīr-e-kārvāñ pāband-e-mīr-e-kārvāñ kyuuñ ho
ye maanā ek aañsū hai magar ai sa.ī-e-zabt-e-ġham
sar-e-mizhgāñ ye ik aañsū bhī dil kā tarjumāñ kyuuñ ho
zamāna jab bhulā hī baiThā 'ejāz'-e-hazīñ tujh ko
koī ab mehrbāñ kyuuñ ho koī nā-mehrbāñ kyuuñ ho
کسی کے شکوہ ہائے جور سے واقف زباں کیوں ہو
غم دل آگ تو لگ ہی چکی لیکن دھواں کیوں ہو
محبت میں وصال و ہجر کی تمییز کیا معنی
بساط عشق پر بازیچۂ سود و زیاں کیوں ہو
جبیں سائل تھی نادم ہے مگر اے سجدۂ آخر
مری محرومیوں سے بے تعلق آستاں کیوں ہو
خداوندا چمن میں تو نشیمن ہی نشیمن ہیں
نظر میں برق کی صرف ایک شاخ آشیاں کیوں ہو
روایات کہن کو عزم نو خاطر میں کیا لائے
ضمیر کارواں پابند میر کارواں کیوں ہو
یہ مانا ایک آنسو ہے مگر اے سعئ ضبط غم
سر مژگاں یہ اک آنسو بھی دل کا ترجماں کیوں ہو
زمانہ جب بھلا ہی بیٹھا اعجازؔ حزیں تجھ کو
کوئی اب مہرباں کیوں ہو کوئی نا مہرباں کیوں ہو