महरूम-ए-शहादत की है कुछ तुझ को ख़बर भी
ओ दुश्मन-ए-जाँ देख ज़रा फिर के इधर भी
है जान के साथ और इक ईमान का डर भी
वो शोख़ कहीं देख न ले मुड़ के इधर भी
वो हम से नहीं मिलते हम उन से नहीं मिलते
इक नाज़-ए-दिल-आवेज़ इधर भी है उधर भी
ठंडा हो कलेजा मिरा इस आह-ए-सहर से
जब दिल की तरह जलने लगे ग़ैर का घर भी
अल्लाह-री बे-ताबी-ए-दिल वस्ल की शब को
कुछ कश्मकश-ए-शौक़ भी कुछ सुब्ह का डर भी
अंगड़ाइयाँ ले ले के उठे साहब-ए-महफ़िल
कुछ नींद भी आँखों में है कुछ मय का असर भी
हम माँगते ही क्यूँ जो यही जानते साक़ी
फिर जाएगी क़िस्मत की तरह तेरी नज़र भी
हम हाथ से दिल थामे हुए दूर खड़े हैं
देखें तो कोई लेता है कुछ इस का असर भी
ऐ जज़्बा-ए-दिल देख बहुत तू ने कमी की
हाँ आहों में अब चाहिए थोड़ा सा असर भी
अब चुप रहो जो दिल पे गुज़रनी थी वो गुज़री
ऐसा न हो फट जाए कहीं ज़ख़्म-ए-जिगर भी
महरूम-ए-शहादत तुझे कुछ शर्म न आई
कम-बख़्त गला काट के जल्दी कहीं मर भी
भारी है मुसाफ़िर पे बहुत गोर की मंज़िल
सुनते हैं कि इस राह में है जान का डर भी
वो कशमकश-ए-ग़म है कि मैं कह नहीं सकता
आग़ाज़ का अफ़्सोस और अंजाम का डर भी
खोल आँखें ज़रा मस्त है क्या साग़र जम से
है गर्दिश-ए-अय्याम की कुछ तुझ को ख़बर भी
लैली-ए-शब-ए-हिज्र ने बिखरा दिए गेसू
मातम में मिरे चाक-ए-गरेबाँ है सहर भी
किस शान से आती है मिरी शाम-ए-मुसीबत
वो देखो जिलौ में है क़यामत की सहर भी
बुझती हुई इक शम्अ' हूँ क्या दम का भरोसा
दुश्मन है मिरी जान की अब आह-ए-सहर भी
देखे कोई जाती हुई दुनिया का तमाशा
बीमार भी सर धुनता है और शम-ए-सहर भी
सहरा की हवा खींचे लिए जाती है मुझ को
कहता है वतन देख ज़रा फिर के इधर भी
हाँ कट गई शायद तिरे दीवाने की बेड़ी
पिछले-पहर आई थी कुछ आवाज़ इधर भी
क्या वा'दा-ए-दीदार को सच जानते हो 'यास'
लो फ़र्ज़ करो आई क़यामत की सहर भी
अल्लाह मुबारक करे पीरी की सहर 'यास'
मरने की तमन्ना थी तो ले अब कहीं मर भी
mahrūm-e-shahādat kī hai kuchh tujh ko ḳhabar bhī
o dushman-e-jāñ dekh zarā phir ke idhar bhī
hai jaan ke saath aur ik īmān kā Dar bhī
vo shoḳh kahīñ dekh na le muḌ ke idhar bhī
vo ham se nahīñ milte ham un se nahīñ milte
ik nāz-e-dil-āvez idhar bhī hai udhar bhī
ThanDā ho kalejā mirā is āh-e-sahar se
jab dil kī tarah jalne lage ġhair kā ghar bhī
allāh-rī be-tābī-e-dil vasl kī shab ko
kuchh kashmakash-e-shauq bhī kuchh sub.h kā Dar bhī
añgḌā.iyāñ le le ke uThe sāhab-e-mahfil
kuchh niiñd bhī āñkhoñ meñ hai kuchh mai kā asar bhī
ham māñgte hī kyuuñ jo yahī jānte saaqī
phir jā.egī qismat kī tarah terī nazar bhī
ham haath se dil thāme hue duur khaḌe haiñ
dekheñ to koī letā hai kuchh is kā asar bhī
ai jazba-e-dil dekh bahut tū ne kamī kī
haañ aahoñ meñ ab chāhiye thoḌā sā asar bhī
ab chup raho jo dil pe guzarnī thī vo guzrī
aisā na ho phaT jaa.e kahīñ zaḳhm-e-jigar bhī
mahrūm-e-shahādat tujhe kuchh sharm na aa.ī
kam-baḳht galā kaaT ke jaldī kahīñ mar bhī
bhārī hai musāfir pe bahut gor kī manzil
sunte haiñ ki is raah meñ hai jaan kā Dar bhī
vo kashmakash-e-ġham hai ki maiñ kah nahīñ saktā
āġhāz kā afsos aur anjām kā Dar bhī
khol āñkheñ zarā mast hai kyā sāġhar jam se
hai gardish-e-ayyām kī kuchh tujh ko ḳhabar bhī
lailī-e-shab-e-hijr ne bikhrā diye gesū
mātam meñ mire chāk-e-garebāñ hai sahar bhī
kis shaan se aatī hai mirī shām-e-musībat
vo dekho jilau meñ hai qayāmat kī sahar bhī
bujhtī huī ik sham.a huuñ kyā dam kā bharosā
dushman hai mirī jaan kī ab āh-e-sahar bhī
dekhe koī jaatī huī duniyā kā tamāshā
bīmār bhī sar dhuntā hai aur sham-e-sahar bhī
sahrā kī havā khīñche liye jaatī hai mujh ko
kahtā hai vatan dekh zarā phir ke idhar bhī
haañ kaT ga.ī shāyad tire dīvāne kī beḌī
pichhle-pahar aa.ī thī kuchh āvāz idhar bhī
kyā va.ada-e-dīdār ko sach jānte ho 'yās'
lo farz karo aa.ī qayāmat kī sahar bhī
allāh mubārak kare piirī kī sahar 'yās'
marne kī tamannā thī to le ab kahīñ mar bhī
محروم شہادت کی ہے کچھ تجھ کو خبر بھی
او دشمن جاں دیکھ ذرا پھر کے ادھر بھی
ہے جان کے ساتھ اور اک ایمان کا ڈر بھی
وہ شوخ کہیں دیکھ نہ لے مڑ کے ادھر بھی
وہ ہم سے نہیں ملتے ہم ان سے نہیں ملتے
اک ناز دل آویز ادھر بھی ہے ادھر بھی
ٹھنڈا ہو کلیجا مرا اس آہ سحر سے
جب دل کی طرح جلنے لگے غیر کا گھر بھی
اللہ ری بے تابئ دل وصل کی شب کو
کچھ کشمکش شوق بھی کچھ صبح کا ڈر بھی
انگڑائیاں لے لے کے اٹھے صاحب محفل
کچھ نیند بھی آنکھوں میں ہے کچھ مے کا اثر بھی
ہم مانگتے ہی کیوں جو یہی جانتے ساقی
پھر جائے گی قسمت کی طرح تیری نظر بھی
ہم ہاتھ سے دل تھامے ہوئے دور کھڑے ہیں
دیکھیں تو کوئی لیتا ہے کچھ اس کا اثر بھی
اے جذبۂ دل دیکھ بہت تو نے کمی کی
ہاں آہوں میں اب چاہیے تھوڑا سا اثر بھی
اب چپ رہو جو دل پہ گزرنی تھی وہ گزری
ایسا نہ ہو پھٹ جائے کہیں زخم جگر بھی
محروم شہادت تجھے کچھ شرم نہ آئی
کم بخت گلا کاٹ کے جلدی کہیں مر بھی
بھاری ہے مسافر پہ بہت گور کی منزل
سنتے ہیں کہ اس راہ میں ہے جان کا ڈر بھی
وہ کشمکش غم ہے کہ میں کہہ نہیں سکتا
آغاز کا افسوس اور انجام کا ڈر بھی
کھول آنکھیں ذرا مست ہے کیا ساغر جم سے
ہے گردش ایام کی کچھ تجھ کو خبر بھی
لیلیٔ شب ہجر نے بکھرا دیے گیسو
ماتم میں مرے چاک گریباں ہے سحر بھی
کس شان سے آتی ہے مری شام مصیبت
وہ دیکھو جلو میں ہے قیامت کی سحر بھی
بجھتی ہوئی اک شمع ہوں کیا دم کا بھروسا
دشمن ہے مری جان کی اب آہ سحر بھی
دیکھے کوئی جاتی ہوئی دنیا کا تماشا
بیمار بھی سر دھنتا ہے اور شمع سحر بھی
صحرا کی ہوا کھینچے لیے جاتی ہے مجھ کو
کہتا ہے وطن دیکھ ذرا پھر کے ادھر بھی
ہاں کٹ گئی شاید ترے دیوانے کی بیڑی
پچھلے پہر آئی تھی کچھ آواز ادھر بھی
کیا وعدۂ دیدار کو سچ جانتے ہو یاسؔ
لو فرض کرو آئی قیامت کی سحر بھی
اللہ مبارک کرے پیری کی سحر یاسؔ
مرنے کی تمنا تھی تو لے اب کہیں مر بھی