मगर उस को फ़रेब-ए-नर्गिस-ए-मस्ताना आता है
उलटती हैं सफ़ें गर्दिश में जब पैमाना आता है
निहायत दिल को है मर्ग़ूब बोसा ख़ाल-ए-मुश्कीं का
दहन तक अपने कब तक देखिए ये दाना आता है
ख़ुशी से अपनी रुस्वाई गवारा हो नहीं सकती
गरेबाँ फाड़ता है तंग जब दीवाना आता है
फ़िराक़-ए-यार में दिल पर नहीं मालूम क्या गुज़री
जो अश्क आँखों में आता है सो बेताबाना आता है
बगूले की तरह किस किस ख़ुशी से ख़ाक उड़ाता हूँ
तलाश-ए-गंज में जो सामने वीराना आता है
समझते हैं मिरे दिल की वो क्या ना-फ़हम ओ नादाँ हैं
हुज़ूर-ए-शम'अ बे-मतलब नहीं परवाना आता है
तलब दुनिया को कर के ज़न-मुरीदी हो नहीं सकती
ख़याल-ए-आबरू-ए-हिम्मत-ए-मर्दाना आता है
हमेशा फ़िक्र से याँ आशिक़ाना शेर ढलते हैं
ज़बाँ को अपनी बस इक हुस्न का अफ़्साना आता है
तमाशा-गाह-ए-हस्ती में अदम का ध्यान है किस को
किसे इस अंजुमन में याद ख़ल्वत-ख़ाना आता है
सबा की तरह हर इक ग़ैरत-ए-गुल से हैं लग चलते
मोहब्बत है सरिश्त अपनी हमें याराना आता है
ज़ियारत होगी का'बा की यही ता'बीर है इस की
कई शब से हमारे ख़्वाब में बुत-ख़ाना आता है
ख़याल आया है आईना का मुँह उस में वो देखेंगे
अब उलझे बाल सुखलाने की ख़ातिर शाना आता है
फँसा देता है मुर्ग़-ए-दिल को दाम-ए-ज़ुल्फ़-ए-पेचाँ में
तुम्हारे ख़ाल-ए-रुख़ को भी फ़रेब-ए-दाना आता है
इताब ओ लुत्फ़ जो फ़रमाओ हर सूरत से राज़ी हैं
शिकायत से नहीं वाक़िफ़ हमें शुक्राना आता है
ख़ुदा का घर है बुत-ख़ाना हमारा दिल नहीं 'आतिश'
मक़ाम-ए-आश्ना है याँ नहीं बेगाना आता है
magar us ko fareb-e-nargis-e-mastāna aatā hai
ulaTtī haiñ safeñ gardish meñ jab paimāna aatā hai
nihāyat dil ko hai marġhūb bosa ḳhāl-e-mushkīñ kā
dahan tak apne kab tak dekhiye ye daana aatā hai
ḳhushī se apnī rusvā.ī gavārā ho nahīñ saktī
garebāñ phāḌtā hai tang jab dīvāna aatā hai
firāq-e-yār meñ dil par nahīñ ma.alūm kyā guzrī
jo ashk āñkhoñ meñ aatā hai so betābāna aatā hai
bagūle kī tarah kis kis ḳhushī se ḳhaak uḌātā huuñ
talāsh-e-ganj meñ jo sāmne vīrāna aatā hai
samajhte haiñ mire dil kī vo kyā nā-fahm o nādāñ haiñ
huzūr-e-sham.a be-matlab nahīñ parvāna aatā hai
talab duniyā ko kar ke zan-murīdī ho nahīñ saktī
ḳhayāl-e-ābrū-e-himmat-e-mardāna aatā hai
hamesha fikr se yaañ āshiqāna sher Dhalte haiñ
zabāñ ko apnī bas ik husn kā afsāna aatā hai
tamāshā-gāh-e-hastī meñ adam kā dhyān hai kis ko
kise is anjuman meñ yaad ḳhalvat-ḳhāna aatā hai
sabā kī tarah har ik ġhairat-e-gul se haiñ lag chalte
mohabbat hai sarisht apnī hameñ yārāna aatā hai
ziyārat hogī kā'ba kī yahī ta.abīr hai is kī
ka.ī shab se hamāre ḳhvāb meñ but-ḳhāna aatā hai
ḳhayāl aayā hai ā.īna kā muñh us meñ vo dekheñge
ab uljhe baal sukhlāne kī ḳhātir shāna aatā hai
phañsā detā hai murġh-e-dil ko dām-e-zulf-e-pechāñ meñ
tumhāre ḳhāl-e-ruḳh ko bhī fareb-e-dāna aatā hai
itaab o lutf jo farmāo har sūrat se raazī haiñ
shikāyat se nahīñ vāqif hameñ shukrāna aatā hai
ḳhudā kā ghar hai but-ḳhāna hamārā dil nahīñ 'ātish'
maqām-e-āshnā hai yaañ nahīñ begāna aatā hai
مگر اس کو فریب نرگس مستانہ آتا ہے
الٹتی ہیں صفیں گردش میں جب پیمانہ آتا ہے
نہایت دل کو ہے مرغوب بوسہ خال مشکیں کا
دہن تک اپنے کب تک دیکھیے یہ دانہ آتا ہے
خوشی سے اپنی رسوائی گوارا ہو نہیں سکتی
گریباں پھاڑتا ہے تنگ جب دیوانہ آتا ہے
فراق یار میں دل پر نہیں معلوم کیا گزری
جو اشک آنکھوں میں آتا ہے سو بیتابانہ آتا ہے
بگولے کی طرح کس کس خوشی سے خاک اڑاتا ہوں
تلاش گنج میں جو سامنے ویرانہ آتا ہے
سمجھتے ہیں مرے دل کی وہ کیا نافہم و ناداں ہیں
حضور شمع بے مطلب نہیں پروانہ آتا ہے
طلب دنیا کو کر کے زن مریدی ہو نہیں سکتی
خیال آبروئے ہمت مردانہ آتا ہے
ہمیشہ فکر سے یاں عاشقانہ شعر ڈھلتے ہیں
زباں کو اپنی بس اک حسن کا افسانہ آتا ہے
تماشا گاہ ہستی میں عدم کا دھیان ہے کس کو
کسے اس انجمن میں یاد خلوت خانہ آتا ہے
صبا کی طرح ہر اک غیرت گل سے ہیں لگ چلتے
محبت ہے سرشت اپنی ہمیں یارانہ آتا ہے
زیارت ہوگی کعبہ کی یہی تعبیر ہے اس کی
کئی شب سے ہمارے خواب میں بت خانہ آتا ہے
خیال آیا ہے آئینہ کا منہ اس میں وہ دیکھیں گے
اب الجھے بال سکھلانے کی خاطر شانہ آتا ہے
پھنسا دیتا ہے مرغ دل کو دام زلف پیچاں میں
تمہارے خال رخ کو بھی فریب دانہ آتا ہے
عتاب و لطف جو فرماؤ ہر صورت سے راضی ہیں
شکایت سے نہیں واقف ہمیں شکرانہ آتا ہے
خدا کا گھر ہے بت خانہ ہمارا دل نہیں آتشؔ
مقام آشنا ہے یاں نہیں بیگانہ آتا ہے