मातम-ए-दीद है दीदार का ख़्वाहाँ होना
जिस क़दर देखना उतना ही पशेमाँ होना
सख़्त दुश्वार है आसान का आसाँ होना
ख़ून-ए-फ़ुर्सत है यहाँ सर-ब-गरेबाँ होना
तेरा दीवाना तो वहशत की भी हद से निकला
कि बयाबाँ को भी चाहे है बयाबाँ होना
कूचा-ए-ग़ैर में क्यूँ कर न बनाऊँ घर को
मेरी आबादी से आबाद है वीराँ होना
ख़ाक-ए-वहशी से अगर रब्त है ठोकर को तिरी
दौर-ए-दामन से नहीं दौर-ए-गरेबाँ होना
न वो ख़ूँ ही है जिगर में न वो रोने का दिमाग़
मिल गया ख़ाक में हर अश्क का तूफ़ाँ होना
जी का जी ही में रहा हर्फ़-ए-तमन्ना अफ़्सोस
कहना कुछ आप ही और आप पशेमाँ होना
दिल से अंदाज़-ए-शिकन ज़ुल्फ़ ने सब जम्अ' किए
छेड़ कर उस को कहीं तू न परेशाँ होना
तुझ को अरमान-ए-ख़राबी है जो ऐ देहली और
सीख जा घर में मिरे रह के बयाबाँ होना
दिल है इक क़तरा-ए-ख़ूँ जिस पे ये सीना ज़ोरी
कुछ समझता ही नहीं हम-सफ़-ए-मिज़्गाँ होना
मुझ में कुछ ताब हो ऐ जाँ तो मैं बे-ताब रहूँ
वर्ना दुश्वार है इस राज़ का पिन्हाँ होना
याद-ए-मिज़्गाँ से इधर ज़ख़्म-ए-जिगर पर खाना
और उधर शोरिश-ए-दिल से नमक-अफ़्शाँ होना
आज वो वक़्त 'क़लक़' पर है कि जूँ इब्न-ए-ख़लील
ग़ैर तस्लीम नहीं क़त्ल का आसाँ होना
mātam-e-dīd hai dīdār kā ḳhvāhāñ honā
jis qadar dekhnā utnā hī pashemāñ honā
saḳht dushvār hai āsān kā āsāñ honā
ḳhūn-e-fursat hai yahāñ sar-ba-garebāñ honā
terā dīvāna to vahshat kī bhī had se niklā
ki bayābāñ ko bhī chāhe hai bayābāñ honā
kūcha-e-ġhair meñ kyuuñ kar na banā.ūñ ghar ko
merī ābādī se ābād hai vīrāñ honā
ḳhāk-e-vahshī se agar rabt hai Thokar ko tirī
daur-e-dāman se nahīñ daur-e-garebāñ honā
na vo ḳhuuñ hī hai jigar meñ na vo rone kā dimāġh
mil gayā ḳhaak meñ har ashk kā tūfāñ honā
jī kā jī hī meñ rahā harf-e-tamannā afsos
kahnā kuchh aap hī aur aap pashemāñ honā
dil se andāz-e-shikan zulf ne sab jam.a kiye
chheḌ kar us ko kahīñ tū na pareshāñ honā
tujh ko armān-e-ḳharābī hai jo ai dehlī aur
siikh jā ghar meñ mire rah ke bayābāñ honā
dil hai ik qatra-e-ḳhūñ jis pe ye siina zorī
kuchh samajhtā hī nahīñ ham-saf-e-mizhgāñ honā
mujh meñ kuchh taab ho ai jaañ to maiñ be-tāb rahūñ
varna dushvār hai is raaz kā pinhāñ honā
yād-e-mizhgāñ se idhar zaḳhm-e-jigar par khānā
aur udhar shorish-e-dil se namak-afshāñ honā
aaj vo vaqt 'qalaq' par hai ki juuñ ibn-e-ḳhalīl
ġhair taslīm nahīñ qatl kā āsāñ honā
ماتم دید ہے دیدار کا خواہاں ہونا
جس قدر دیکھنا اتنا ہی پشیماں ہونا
سخت دشوار ہے آسان کا آساں ہونا
خون فرصت ہے یہاں سر بہ گریباں ہونا
تیرا دیوانہ تو وحشت کی بھی حد سے نکلا
کہ بیاباں کو بھی چاہے ہے بیاباں ہونا
کوچۂ غیر میں کیوں کر نہ بناؤں گھر کو
میری آبادی سے آباد ہے ویراں ہونا
خاک وحشی سے اگر ربط ہے ٹھوکر کو تری
دور دامن سے نہیں دور گریباں ہونا
نہ وہ خوں ہی ہے جگر میں نہ وہ رونے کا دماغ
مل گیا خاک میں ہر اشک کا طوفاں ہونا
جی کا جی ہی میں رہا حرف تمنا افسوس
کہنا کچھ آپ ہی اور آپ پشیماں ہونا
دل سے انداز شکن زلف نے سب جمع کیے
چھیڑ کر اس کو کہیں تو نہ پریشاں ہونا
تجھ کو ارمان خرابی ہے جو اے دہلی اور
سیکھ جا گھر میں مرے رہ کے بیاباں ہونا
دل ہے اک قطرۂ خوں جس پہ یہ سینہ زوری
کچھ سمجھتا ہی نہیں ہم صف مژگاں ہونا
مجھ میں کچھ تاب ہو اے جاں تو میں بے تاب رہوں
ورنہ دشوار ہے اس راز کا پنہاں ہونا
یاد مژگاں سے ادھر زخم جگر پر کھانا
اور ادھر شورش دل سے نمک افشاں ہونا
آج وہ وقت قلقؔ پر ہے کہ جوں ابن خلیل
غیر تسلیم نہیں قتل کا آساں ہونا