मानूस-ए-इज़्तिराब था वक़्फ़-ए-गुदाज़ था
ये दिल अज़ल से नज़्र-ए-सितम-हा-ए-नाज़ था
मैं महव-ए-अस्ल था न असीर-ए-मजाज़ था
इक राज़ था कि महव-ए-तमाशा-ए-राज़ था
जिस वक़्त मेरे सामने वो मस्त-ए-नाज़ था
आँखों में इक सुरूर जिगर में गुदाज़ था
आगाह ख़ुद न अपनी हक़ीक़त से हो सका
मैं भी 'अजीब 'आलम-ए-हस्ती का राज़ था
लर्ज़िश में जिस के नूर से थी सारी काएनात
वो दिल में अपने बन के ग़म-ए-जाँ-गुदाज़ था
दिल ने तड़प के कर दिए तय सारे मरहले
मैं मुब्तला-ए-कश्मकश-ए-ज़ब्त-ए-राज़ था
क़िस्मत से अपनी ख़ाक-बसर फिर है आज-कल
वो दिल जो बारयाब-ए-शबिस्तान-ए-नाज़ था
मर कर भी कश्मकश से फ़राग़त न मिल सकी
कितना 'जलील' सिलसिला-ए-ग़म दराज़ था
mānūs-e-iztirāb thā vaqf-e-gudāz thā
ye dil azal se nazr-e-sitam-hā-e-nāz thā
maiñ mahv-e-asl thā na asīr-e-majāz thā
ik raaz thā ki mahv-e-tamāshā-e-rāz thā
jis vaqt mere sāmne vo mast-e-nāz thā
āñkhoñ meñ ik surūr jigar meñ gudāz thā
āgāh ḳhud na apnī haqīqat se ho sakā
maiñ bhī 'ajīb 'ālam-e-hastī kā raaz thā
larzish meñ jis ke nuur se thī saarī kā.enāt
vo dil meñ apne ban ke ġham-e-jāñ-gudāz thā
dil ne taḌap ke kar diye tai saare marhale
maiñ mubtalā-e-kashmakash-e-zabt-e-rāz thā
qismat se apnī ḳhāk-basar phir hai āj-kal
vo dil jo bāryāb-e-shabistān-e-nāz thā
mar kar bhī kashmakash se farāġhat na mil sakī
kitnā 'jalīl' silsila-e-ġham darāz thā
مانوس اضطراب تھا وقف گداز تھا
یہ دل ازل سے نذر ستم ہائے ناز تھا
میں محو اصل تھا نہ اسیر مجاز تھا
اک راز تھا کہ محو تماشائے راز تھا
جس وقت میرے سامنے وہ مست ناز تھا
آنکھوں میں اک سرور جگر میں گداز تھا
آگاہ خود نہ اپنی حقیقت سے ہو سکا
میں بھی عجیب عالم ہستی کا راز تھا
لرزش میں جس کے نور سے تھی ساری کائنات
وہ دل میں اپنے بن کے غم جاں گداز تھا
دل نے تڑپ کے کر دئے طے سارے مرحلے
میں مبتلائے کشمکش ضبط راز تھا
قسمت سے اپنی خاک بسر پھر ہے آج کل
وہ دل جو باریاب شبستان ناز تھا
مر کر بھی کشمکش سے فراغت نہ مل سکی
کتنا جلیلؔ سلسلۂ غم دراز تھا