माना गुल-ओ-गुलज़ार पे रा'नाई वही है
मंज़र तो बदल दे कि तमाशाई वही है
उजड़ा था अभी कल ही तमन्नाओं का बाज़ार
और आज यहाँ ज़ीनत-ओ-ज़ेबाई वही है
चूमा है यहाँ मैं ने हर आवाज़ का चेहरा
इन गूँजती गलियों से शनासाई वही है
ख़ुश्बू की तरह उड़ के पहुँचती है ख़बर भी
हर-चंद नया शह्र है रुस्वाई वही है
अगली सी मिरी आँख में बीनाई नहीं वो
ऐ आब-ए-तमाशा तिरी गहराई वही है
हलचल न हुई गाँव के तालाब में इक दिन
ठहरा हुआ पानी है वही काई वही है
दरयाफ़्त हुईं दह्र में क्या क्या न ज़मीनें
इस दिल को मगर दा'वा-ए-यकताई वही है
इस धूप में इक सोच का साया रहा सर पर
उट्ठी है जो अन्दर से घटा छाई वही है
कहता हूँ 'ज़फ़र' शे'र तो सहता हूँ बदन पर
तन्हाई वही क़ाफ़िया-पैमाई वही है
maanā gul-o-gulzār pe rā'nā.ī vahī hai
manzar to badal de ki tamāshā.ī vahī hai
ujḌā thā abhī kal hī tamannāoñ kā bāzār
aur aaj yahāñ zīnat-o-zebā.ī vahī hai
chūmā hai yahāñ maiñ ne har āvāz kā chehra
in gūñjtī galiyoñ se shanāsā.ī vahī hai
ḳhushbū kī tarah uḌ ke pahuñchtī hai ḳhabar bhī
har-chand nayā shahr hai rusvā.ī vahī hai
aglī sī mirī aañkh meñ bīnā.ī nahīñ vo
ai āb-e-tamāshā tirī gahrā.ī vahī hai
halchal na huī gaañv ke tālāb meñ ik din
Thahrā huā paanī hai vahī kaa.ī vahī hai
daryāft huiiñ dahr meñ kyā kyā na zamīneñ
is dil ko magar dā'vā-e-yaktā.ī vahī hai
is dhuup meñ ik soch kā saaya rahā sar par
uTThī hai jo andar se ghaTā chhā.ī vahī hai
kahtā huuñ 'zafar' she'r to sahtā huuñ badan par
tanhā.ī vahī qāfiya-paimā.ī vahī hai
مانا گل و گلزار پہ رعنائی وہی ہے
منظر تو بدل دے کہ تماشائی وہی ہے
اجڑا تھا ابھی کل ہی تمناؤں کا بازار
اور آج یہاں زینت و زیبائی وہی ہے
چوما ہے یہاں میں نے ہر آواز کا چہرہ
ان گونجتی گلیوں سے شناسائی وہی ہے
خوشبو کی طرح اڑ کے پہنچتی ہے خبر بھی
ہرچند نیا شہر ہے رسوائی وہی ہے
اگلی سی مری آنکھ میں بینائی نہیں وہ
اے آب تماشا تری گہرائی وہی ہے
ہلچل نہ ہوئی گاؤں کے تالاب میں اک دن
ٹھہرا ہوا پانی ہے وہی کائی وہی ہے
دریافت ہوئیں دہر میں کیا کیا نہ زمینیں
اس دل کو مگر دعوائے یکتائی وہی ہے
اس دھوپ میں اک سوچ کا سایہ رہا سر پر
اٹھی ہے جو اندر سے گھٹا چھائی وہی ہے
کہتا ہوں ظفرؔ شعر تو سہتا ہوں بدن پر
تنہائی وہی قافیہ پیمائی وہی ہے