लिबास-ए-यार को मैं पारा-पारा क्या करता
क़बा-ए-गुल से उसे इस्तिआ'रा क्या करता
बहार-ए-गुल में हैं दरिया के जोश की लहरें
भला मैं कश्ती-ए-मय से किनारा क्या करता
नक़ाब उलट के जो मुँह 'आशिक़ों को दिखलाते
तुम्हीं कहो कि तुम्हारा नज़ारा क्या करता
सुना जो हाल-ए-दिल-ए-ज़ार यार ने तो कहा
तबीब मरते हुए काहे चारा क्या करता
हिलाल-ए-ईद का हर-चंद हो जहाँ मुश्ताक़
तुम्हारी अब्रूओं का सा इशारा क्या करता
हक़ीक़त-ए-दहन-ए-यार खोलता क्यूँ-कर
नहुफ़्ता राज़ को मैं आश्कारा क्या करता
क़दम को पीछे रह-ए-ख़ौफ़नाक-ए-इश्क़ में रख
ये पहले देख ले दिल है इशारा क्या करता
ख़ुम-ए-शराब से मुझ मस्त ने न मुँह फेरा
कनार-ए-आब से प्यासा किनारा क्या करता
बहार थी जो वो गुल-चेहरा यार भी होता
अकेले जा के चमन का नज़ारा क्या करता
गुदाज़ मोम से हर उस्तुख़्वाँ को पाता हूँ
फिर और सोज़िश-ए-दिल का हरारा क्या करता
बड़ा ही ख़्वार 'इलाक़ा है गुलशन-ए-उल्फ़त
मिरी तरह कोई इस में इजारा क्या करता
शराब-ए-ख़ुल्द की ख़ातिर दहन है रखता साफ़
वुज़ू में वर्ना ये ज़ाहिद ग़रारा क्या करता
शिकस्ता-दिल न हो उस बुत के नाज़ से क्यूँ-कर
सुलूक शीशा से है संग-ए-ख़ारा क्या करता
बहार-ए-गुल में पियाला लगा लिया मुँह से
शराब पीने को मैं इस्तिख़ारा क्या करता
फ़क़ीर को नहीं दरकार शान अमीरों की
सर-बरहना सर-ए-गोश्वारा क्या करता
बहार-ए-गुल में था जामे से बाहर ऐ 'आतिश'
न करता मैं जो गरेबाँ को पारा क्या करता
libās-e-yār ko maiñ pāra-pāra kyā kartā
qabā-e-gul se use isti.āra kyā kartā
bahār-e-gul meñ haiñ dariyā ke josh kī lahreñ
bhalā maiñ kashtī-e-mai se kināra kyā kartā
naqāb ulaT ke jo muñh 'āshiqoñ ko dikhlāte
tumhīñ kaho ki tumhārā nazāra kyā kartā
sunā jo hāl-e-dil-e-zār yaar ne to kahā
tabīb marte hue kaahe chāra kyā kartā
hilāl-e-īd kā har-chand ho jahāñ mushtāq
tumhārī abrūoñ kā sā ishāra kyā kartā
haqīqat-e-dahan-e-yār kholtā kyūñ-kar
nahufta raaz ko maiñ āshkāra kyā kartā
qadam ko pīchhe rah-e-ḳhaufnāk-e-ishq meñ rakh
ye pahle dekh le dil hai ishāra kyā kartā
ḳhum-e-sharāb se mujh mast ne na muñh pherā
kanār-e-āb se pyāsā kināra kyā kartā
bahār thī jo vo gul-chehra yaar bhī hotā
akele jā ke chaman kā nazāra kyā kartā
gudāz mom se har ustuḳhvāñ ko paatā huuñ
phir aur sozish-e-dil kā harārā kyā kartā
baḌā hī ḳhvār 'ilāqa hai gulshan-e-ulfat
mirī tarah koī is meñ ijāra kyā kartā
sharāb-e-ḳhuld kī ḳhātir dahan hai rakhtā saaf
vuzū meñ varna ye zāhid ġharāra kyā kartā
shikasta-dil na ho us but ke naaz se kyūñ-kar
sulūk shīsha se hai sañg-e-ḳhārā kyā kartā
bahār-e-gul meñ piyāla lagā liyā muñh se
sharāb piine ko maiñ istiḳhāra kyā kartā
faqīr ko nahīñ darkār shaan amīroñ kī
sar-barahna sar-e-goshvāra kyā kartā
bahār-e-gul meñ thā jaame se bāhar ai 'ātish'
na kartā maiñ jo garebāñ ko paara kyā kartā
لباس یار کو میں پارہ پارہ کیا کرتا
قبائے گل سے اسے استعارہ کیا کرتا
بہار گل میں ہیں دریا کے جوش کی لہریں
بھلا میں کشتیٔ مے سے کنارہ کیا کرتا
نقاب الٹ کے جو منہ عاشقوں کو دکھلاتے
تمہیں کہو کہ تمہارا نظارہ کیا کرتا
سنا جو حال دل زار یار نے تو کہا
طبیب مرتے ہوئے کاہے چارہ کیا کرتا
ہلال عید کا ہر چند ہو جہاں مشتاق
تمہاری ابروؤں کا سا اشارہ کیا کرتا
حقیقت دہن یار کھولتا کیوں کر
نہفتہ راز کو میں آشکارہ کیا کرتا
قدم کو پیچھے رہ خوفناک عشق میں رکھ
یہ پہلے دیکھ لے دل ہے اشارہ کیا کرتا
خم شراب سے مجھ مست نے نہ منہ پھیرا
کنار آب سے پیاسا کنارہ کیا کرتا
بہار تھی جو وہ گل چہرہ یار بھی ہوتا
اکیلے جا کے چمن کا نظارہ کیا کرتا
گداز موم سے ہر استخواں کو پاتا ہوں
پھر اور سوزش دل کا حرارا کیا کرتا
بڑا ہی خوار علاقہ ہے گلشن الفت
مری طرح کوئی اس میں اجارہ کیا کرتا
شراب خلد کی خاطر دہن ہے رکھتا صاف
وضو میں ورنہ یہ زاہد غرارہ کیا کرتا
شکستہ دل نہ ہو اس بت کے ناز سے کیوں کر
سلوک شیشہ سے ہے سنگ خارا کیا کرتا
بہار گل میں پیالہ لگا لیا منہ سے
شراب پینے کو میں استخارہ کیا کرتا
فقیر کو نہیں درکار شان امیروں کی
سر برہنہ سر گوشوارہ کیا کرتا
بہار گل میں تھا جامہ سے باہر اے آتشؔ
نہ کرتا میں جو گریباں کو پارہ کیا کرتا