लिबास-ए-ख़ाक सही पर कहीं ज़रूर हूँ मैं
बता रही है चमक आँख की कि नूर हूँ मैं
कोई नहीं जो मिरी लौ से रास्ता देखे
हवा-ए-तुंद बुझा दे तिरे हुज़ूर हूँ मैं
पनाह देता नहीं कोई और सय्यारा
भटक रहा हूँ ख़ला में ज़मीं से दूर हूँ मैं
न हो गिरा के मुझे तू भी ख़ाक में मिल जाए
मुझे गले से लगा ले तिरा ग़ुरूर हूँ मैं
निकल पड़ा हूँ यूँही इतनी बर्फ़-बारी में
बदन के गर्म लहू का अजब सुरूर हूँ मैं
सज़ा भी काट चुका हूँ मैं जिस ख़ता की 'नसीम'
किसे पुकारूँ कहूँ इस में बे-क़ुसूर हूँ मैं
libās-e-ḳhāk sahī par kahīñ zarūr huuñ maiñ
batā rahī hai chamak aañkh kī ki nuur huuñ maiñ
koī nahīñ jo mirī lau se rāsta dekhe
havā-e-tund bujhā de tire huzūr huuñ maiñ
panāh detā nahīñ koī aur sayyāra
bhaTak rahā huuñ ḳhalā meñ zamīñ se duur huuñ maiñ
na ho girā ke mujhe tū bhī ḳhaak meñ mil jaa.e
mujhe gale se lagā le tirā ġhurūr huuñ maiñ
nikal paḌā huuñ yūñhī itnī barf-bārī meñ
badan ke garm lahū kā ajab surūr huuñ maiñ
sazā bhī kaaT chukā huuñ maiñ jis ḳhatā kī 'nasīm'
kise pukārūñ kahūñ is meñ be-qusūr huuñ maiñ
لباس خاک سہی پر کہیں ضرور ہوں میں
بتا رہی ہے چمک آنکھ کی کہ نور ہوں میں
کوئی نہیں جو مری لو سے راستہ دیکھے
ہوائے تند بجھا دے ترے حضور ہوں میں
پناہ دیتا نہیں کوئی اور سیارہ
بھٹک رہا ہوں خلا میں زمیں سے دور ہوں میں
نہ ہو گرا کے مجھے تو بھی خاک میں مل جائے
مجھے گلے سے لگا لے ترا غرور ہوں میں
نکل پڑا ہوں یوں ہی اتنی برف باری میں
بدن کے گرم لہو کا عجب سرور ہوں میں
سزا بھی کاٹ چکا ہوں میں جس خطا کی نسیمؔ
کسے پکاروں کہوں اس میں بے قصور ہوں میں