लख़्त-ए-जिगर को क्यूँकर मिज़्गान-ए-तर सँभाले
ये शाख़ वो नहीं जो बार-ए-समर सँभाले
दीवाना हो के कोई फाड़ा करे गरेबाँ
मुमकिन नहीं कि दामन वो बे-ख़बर सँभाले
तलवार खींच कर वो ख़ूँ-ख़्वार है ये कहता
मुँह पर जो खाते डरता हो वो सिपर सँभाले
तकिए में आदमी को लाज़िम कफ़न है रखना
बैठा रहे मुसाफ़िर रख़्त-ए-सफ़र सँभाले
यक दम न निभने देती उन की तुनक-मिज़ाजी
रखते न हम तबीअत अपनी अगर सँभाले
वो नख़्ल-ए-ख़ुश्क हूँ मैं इस गुलशन-ए-जहाँ में
फिरता है बाग़बाँ भी मुझ पर तबर सँभाले
हर गाम पर ख़ुशी से वारफ़्तगी सी होगी
लाना जवाब-ए-ख़त को ऐ नामा-बर सँभाले
या फिर कतर पर उस के सय्याद या छुरी फेर
बे-बाल-ओ-पर ने तेरे फिर बाल-ओ-पर सँभाले
दर्द-ए-फ़िराक़ 'आतिश' तड़पा रहा है हम को
इक हाथ दिल सँभाले है इक जिगर सँभाले
laḳht-e-jigar ko kyūñkar mizhgān-e-tar sambhāle
ye shāḳh vo nahīñ jo bār-e-samar sambhāle
dīvāna ho ke koī phāḌā kare garebāñ
mumkin nahīñ ki dāman vo be-ḳhabar sambhāle
talvār khīñch kar vo ḳhūñ-ḳhvār hai ye kahtā
muñh par jo khāte Dartā ho vo sipar sambhāle
takiye meñ aadmī ko lāzim kafan hai rakhnā
baiThā rahe musāfir raḳht-e-safar sambhāle
yak dam na nibhne detī un kī tunak-mizājī
rakhte na ham tabī.at apnī agar sambhāle
vo naḳhl-e-ḳhushk huuñ maiñ is gulshan-e-jahāñ meñ
phirtā hai bāġhbāñ bhī mujh par tabar sambhāle
har gaam par ḳhushī se vāraftagī sī hogī
laanā javāb-e-ḳhat ko ai nāma-bar sambhāle
yā phir katar par us ke sayyād yā chhurī pher
be-bāl-o-par ne tere phir bāl-o-par sambhāle
dard-e-firāq 'ātish' taḌpā rahā hai ham ko
ik haath dil sambhāle hai ik jigar sambhāle
لخت جگر کو کیونکر مژگان تر سنبھالے
یہ شاخ وہ نہیں جو بار ثمر سنبھالے
دیوانہ ہو کے کوئی پھاڑا کرے گریباں
ممکن نہیں کہ دامن وہ بے خبر سنبھالے
تلوار کھینچ کر وہ خوں خوار ہے یہ کہتا
منہ پر جو کھاتے ڈرتا ہو وہ سپر سنبھالے
تکیے میں آدمی کو لازم کفن ہے رکھنا
بیٹھا رہے مسافر رخت سفر سنبھالے
یک دم نہ نبھنے دیتی ان کی تنک مزاجی
رکھتے نہ ہم طبیعت اپنی اگر سنبھالے
وہ نخل خشک ہوں میں اس گلشن جہاں میں
پھرتا ہے باغباں بھی مجھ پر تبر سنبھالے
ہر گام پر خوشی سے وارفتگی سی ہوگی
لانا جواب خط کو اے نامہ بر سنبھالے
یا پھر کتر پر اس کے صیاد یا چھری پھیر
بے بال و پر نے تیرے پھر بال و پر سنبھالے
درد فراق آتشؔ تڑپا رہا ہے ہم کو
اک ہاتھ دل سنبھالے ہے اک جگر سنبھالے